ఆ హీరో, హీరోయిన్ అంటే ఇష్టం: అకాష్

Posted: 05/08/2018 02:53 PM IST

Akash puri says he has a lot to learn from his dad

పూరీ జగన్నాథ్ తనయుడు ఆకాశ్ హీరోగా రూపోందిన 'మెహబూబా' సినిమా ఈ నెల 11న ప్రేక్షకుల ముందుకు రానుంది. తనపై మాస్ మహారాజ రవితేజ ప్రభావం చాలా వుందని చెప్పారు. తనకు ఊహ తెలిసినప్పటి నుంచి రవితేజ గారి సినిమాలనే చూశానని చెప్పారు. ఆయనతో మా నాన్న చేసిన 'ఇడియట్' .. 'అమ్మా నాన్న ఓ తమిళ అమ్మాయి' సినిమాలు చూశాను. అప్పట్లో తన దృష్టిలో హీరో అంటే రవితేజనే .. నిజం చెప్పాలంటే ఆయనని చూసిన తరువాతనే తాను హీరోను కావాలనుకున్నాను. తన తండ్రి నాన్న.. రవితేజ ఇద్దరూ కూడా ఎంతో కష్టపడి ఇప్పుడు ఈ స్థాయికి వచ్చారని చెప్పుకోచ్చాడు.

నిజానికి వారిద్దరి నుంచి నేను నేర్చుకోవలసింది ఎంతో వుందని అకాష్ చెప్పుకొచ్చాడు. చిన్నప్పటి నుంచి తన తండ్రి డైరెక్ట్ చేసిన సినిమాలను చూస్తూ పెరిగానని కూడా చెప్పుకోచ్చాడు. "ఇప్పుడున్న కథానాయికలలో ఎవరిని ఎక్కువగా అభిమానిస్తుంటారు?"అనే ప్రశ్న ఎదురైనప్పుడు ఆయన స్పందిస్తూ, ''నేను అనుష్కను ఎక్కువగా అభిమానిస్తాను" అని చెప్పాడు. ఇక మరో ప్రశ్నకి సమాధానంగా ఆయన "మా అమ్మ నన్ను ఎంతో క్రమశిక్షణతో పెంచింది. ఎవరితో ఎలా మాట్లాడాలి .. ఎలా గౌరవించాలి? అనే విషయాలను అమ్మ చెప్పేది. నాలో మంచి లక్షణాలు ఏవైనా వున్నాయంటే .. అందుకు కారకురాలు మా అమ్మనే' అంటూ తన తల్లికి కృతజ్ఞతలు చెప్పుకున్నాడు.