అరవరాష్ట్రంలోనూ భరత్ పంబరేపుతున్నాడు

Posted: 05/08/2018 03:35 PM IST

Bharat ane nenu box office collection mahesh babu starrer becomes blockbuster in tn

సామాజిక కోణంలో అలోచించి.. సామాన్యుల మదిలో వున్న కోరికలను వెండితెరపై అవిష్కరించేలా విభిన్న కథ, కథనాలతో చిత్రాలను రూపోందించే దర్శకుడు కొరటాల శివ ఇకపై సందేశాత్మక చిత్రాలను ఇవ్వడంతో పాటు అటు కమర్షియల్ ఎలిమెంట్స్ తో వున్న చిత్రాలను కూడా రూపొందిస్తానని చెప్పిన విషయం తెలిసిందే. అయితే ఇటీవల టాలీవుడ్ ప్రిన్స్ మహేశ్ బాబుతో ఆయన రూపోందించిన 'భరత్ అనే నేను' విడుదలైన ప్రతి ప్రాంతంలోను భారీ విజయాన్ని నమోదు చేసుకుంది. తెలుగు రాష్ట్రాల్లోనే కాకుండా ఓవర్సీస్ లోను ఈ సినిమా ఘన విజయాన్ని సొంతం చేసుకుంది. ఇక తమిళనాట తెలుగు వెర్షన్ కి అనూహ్యమైన ఆదరణ లభించడం మరో విశేషం.

తెలుగు వెర్షన్ అక్కడ 4.2 కోట్ల గ్రాస్ ను వసూలు చేయడం చెప్పుకోదగిన విషయం. తెలుగు వెర్షన్ లో ఇంతవరకూ ఈ స్థాయి వసూళ్లను రాబట్టిన సినిమా ఇదేనని అంటున్నారు. ఈ సినిమాతో అక్కడ మహేశ్ బాబు క్రేజ్ మరింతగా పెరిగిపోయిందనీ, భవిష్యత్తులో అక్కడ ఆయన సినిమాలు ఇతర హీరోల సినిమాలకి గట్టిపోటీ ఇస్తాయనడంలో సందేహం లేదని చెప్పుకుంటున్నారు. 'స్పైడర్'తో గట్టిగా ప్రయత్నించిన మహేశ్ బాబు, ఈ సినిమాతో తమిళంలో తన మార్కెట్ ను పెంచుకోవడంలో సక్సెస్ అయ్యాడని చెప్పుకుంటున్నారు.