తెలుగమ్మాయిలకు ఏం తక్కువ? : నటి శ్రీ రెడ్డి

Posted: 03/13/2018 04:28 PM IST

కాస్టింగ్ కౌచ్ కాస్త సినీ పరిజ్నానం ఉన్న ప్రతీ ఒక్కరికీ దీనిపై అవగాహన ఉండే ఉంటుంది. సినిమా ఛాన్సుల పేరుతో నటీనటులను ‘ఆ’ అవసరాల కోసం వాడుకోవటమే దీని ప్రధాన ఉద్దేశం.

తాజాగా తెలుగులో చిన్న చిన్న పాత్రలు చేసుకునే శ్రీ రెడ్డి అనే నటి ఇచ్చిన ఇంటర్వ్యూ కలకలమే రేపుతోంది. ఓ యూట్యూబ్ ఇంటర్వ్యూలో ఆమె మాట్లాడుతూ.. పెద్ద పెద్ద స్టార్లు సైతం తెలుగమ్మాయిలను చిన్న చూపు చూస్తున్నారంటూ వ్యాఖ్యలు చేసింది. తెలుగమ్మాయిలు కూడా వారికేం తీసిపోలేరని వ్యాఖ్యానించారు. డైట్, ఫిజిక్, యాక్టింగ్.. ఇలా అన్ని విషయాల్లో పరభాష హీోయిరన్లతో పోటీగలిగే సామర్థ్యం ఉందని ఆమె అన్నారు.

‘తమిళంలో కాంప్రమైజ్ అంటారు.. అదే తెలుగులో అయితే కమిట్ మెంట్ అంటారు. పేరు ఏదైనా ఉద్దేశం ఒకటే. నటీమణులను కోరికలు తీర్చుకోవటానికి వాడుకోవటం. పెద్ద స్టార్లు తెలుగమ్మాయిలను చిన్న చూపు చూడటం మూలంగానే ఈ పరిస్థితులు దాపురిస్తున్నాయి అని శ్రీరెడ్డి పేర్కొంది. తల్లిదండ్రులను ఒప్పించి మరీ సినిమాల్లోకి వస్తున్న ఎందరో తెలుగమ్మాయిలకు అవకాశాలు దక్కట్లేదు. అందుకే అడ్డదారులు తొక్కుతున్నారు. ఒక్కోసారి అలా కమిట్ అయినప్పటికీ.. అవకాశాలు మాత్రం పెద్దగా దక్కటం లేదు అని ఆమె పేర్కొంది.

కాగా, అరవింద్-2, నేను నాన్న అబద్ధం చిత్రాల్లో నటించిన శ్రీరెడ్డి.. ప్రస్తుతం అవకాశాల కోసం ఎదురు చూస్తున్నట్లు వెల్లడించింది. కష్టపడి పైకొచ్చిన చాలా మంది తారలు.. ఇప్పుడు కష్టపడే వారికి ఎందుకు అవకాశం ఇవ్వట్లేదన్నదే ఆమె అసలు బాధ.