తన గాయం గురించి చెప్పిన దీపిక పదుకొనే

Posted: 03/13/2018 04:56 PM IST

పద్మావత్ సక్సెస్ ను పూర్తిగా ఎంజాయ్ చేయలేకపోయింది బాలీవుడ్ నటి దీపికా పదుకొనే. అయితే గాయం కారణంగానే ఆమె ఇన్నాళ్లూ అజ్నాత వాసంలో ఉందని.. అందుకే బయట పెద్దగా కనిపించలేదని కథనాలు వెలువడ్డాయి. తాజాగా ఈ కథనాలపై దీపికా పెదవి విప్పింది.

తాజాగా జరిగిన ఓ అవార్డు వేడుకల కార్యక్రమంలో మాట్లాడుతూ.. పద్మావత్ షూటింగ్ సమయంలో దీపిక అధికంగా శ్రమించడం వల్ల గతంలో ఓ చిత్ర షూటింగ్ సందర్భంగా తగిలిన గాయం తిరగదోడిందంట. దీంతో ఆమె వెన్నుపూస, మెడ భాగంలో భరించలేనంత నొప్పి మళ్లీ మొదలైందంట. అందుకే ఇటీవలి పలు వేదికల్లో ఆమె మెడకు బ్యాండేజీలతో కూడా దర్శనమిచినట్లు ఆమె వెల్లడించింది.

ప్రస్తుతం ఆ గాయం నుంచి కోలుకుంటున్నానని, త్వరలోనే ఫిజియో థెరపీ కూడా తీసుకోనున్నట్టు ఆమె వెల్లడించారు. దీంతో ఇంత కాలం ఆమెకు ఏమైందోనన్న ఆందోళనలో ఉన్న అభిమానులకు కాస్త ఊరట కలిగిందనే చెప్పాలి.