ప్రియా వారియర్.. అన్నీ ఫేక్ న్యూస్ లే!

Posted: 03/12/2018 04:39 PM IST

ఒక కను సైగ, గీటడంతో దేశవ్యాప్తంగా క్రేజ్ సంపాదించుకుంది నటి ప్రియా వారియర్. సినిమా విడుదల కాకముందే ఆమె పేరు దేశమంతా మారు మోగిపోతోంది. ఈ దెబ్బతో బాలీవుడ్ లోనూ ఆమెకు అవకాశాలు దక్కాయంటూ కథనాలు వినిపించాయి.

అయితే అదంతా ఉత్త ప్రచారమే అని ఆమె చెబుతోంది. తాజాగా ఓ జాతీయ దిన పత్రికకు ఇచ్చిన ఇంటర్వ్యూలో ప్రియా ఈ విషయాలను వెల్లడించింది. కేవలం రణ్ వీర్ తన ఫేవరెట్ అని చెప్పినందుకు సింబా(టెంపర్ ) రీమేక్ లో ఛాన్స్ దక్కిందని పుకార్లు సృష్టించారంట. ప్రస్తుతం తాను ఏ చిత్రానికి సైన్ చేయలేదని ఈ స్లిమ్ బ్యూటీ చెబుతోంది.

ఇక తనకు ఫోన్ ఉంది కానీ అందులో సిమ్ లేదని, సోషల్ మీడియాలో పోస్ట్ కు ఆమె 8 లక్షలు తీసుకుంటుందన్న వార్తలను కూడా ఖండించింది. తనను ఇప్పటికీ ఇంట్లో ఫోన్‌ వాడనివ్వరని తెలిపింది. మరీ అవసరమైతే తన తల్లి ఫోన్ వాడుతుంటానని చెప్పింది. ఇంట్లో హాట్ స్పాట్ ఆన్ చేసి ఉంటేనే ఫోన్ వాడతానని ఆమె వెల్లడించింది.