బుల్లితెరపై బ‌బితా ఫొగ‌ట్‌ సందడి

Posted: 11/15/2017 01:30 PM IST

ఆమిర్‌ఖాన్ 'దంగ‌ల్' సినిమాతో హ‌ర్యానాకు చెందిన రెజ్ల‌ర్లు గీతా ఫొగ‌ట్‌, బ‌బితా ఫొగ‌ట్‌ల టాలెంట్ గురించి ప్రపంచం మొత్తానికి తెలిసింది. వెంట‌నే వాళ్ల ప్ర‌జాద‌ర‌ణ‌ను క్యాష్ చేసుకోవ‌డానికి టీవీ ఛాన‌ళ్లు క్యూ క‌ట్టాయి. అందులో భాగంగానే 'ఖ‌త్రోంకా ఖిలాడీ'లో గీతా ఫొగ‌ట్‌తో ధైర్య సాహసాలు చేయించారు. ఇప్పుడు అక్క బాట‌లోనే చెల్లెలు బబితా ఫొగ‌ట్ కూడా న‌డుస్తోంది.

అయితే బబితతో మాత్రం రిస్క్ లాంటిది చేయించట్లేదు. అండ్ టీవీలో ప్ర‌సార‌మ‌య్యే 'బ‌ధో బ‌హూ' సీరియ‌ల్‌లో బ‌బితా ఫొగ‌ట్ క‌నిపించ‌నుంది. ఈ విష‌యాన్ని సీరియ‌ల్ నిర్మాత‌లు స్ప‌ష్టం చేశారు. నిజానికి గీతా, బ‌బితా ఇద్ద‌రినీ సీరియ‌ల్‌లో న‌టింప‌జేయాల‌ని అనుకున్న‌ట్లు నిర్మాత దీప్తి క‌ల్వాని తెలిపారు. కానీ గీతా ఫొగ‌ట్ వేరే పనుల్లో బిజీగా ఉండ‌టంతో కుద‌ర‌లేద‌ని అన్నారు.

లావుగా ఉండే యువ‌తి కుటుంబంలో, స‌మాజంలో త‌న గుర్తింపుకోసం ప్ర‌య‌త్నించే క‌థాంశంతో ఈ సీరియ‌ల్ విజ‌య‌వంతంగా న‌డుస్తోంది.