సెల్వ రాఘవన్ తో సూర్య చిత్రం

Posted: 10/30/2017 06:09 PM IST

కోలీవుడ్ స్టార్ హీరో సూర్య ప్రస్తుతం విఘ్నేష్ దర్శకత్వంలో ఓ చిత్రం చేస్తున్న విషయం తెలిసిందే. బాలీవుడ్ హిట్ చిత్రం స్పెషల్ ఛబ్బీస్ నుంచి కొంచెం కంటెంట్ తీసుకుని థానా సెరందా కూటమ్ తెరకెక్కిస్తున్నారు.కీర్తి సురేశ్ హీరోయిన్ గా చేస్తున్న ఈ సినిమాకు అనిరుధ్ స్వరాలు సమకూరుస్తుండగా.. ఆ పాటలు ఇప్పడు తమిళనాట ఓ ఊపు ఊపుతున్నాయి.

జనవరి 18న ఈ చిత్రం విడుదలకానుంది. ఇదిలా ఉంటే సూర్య మరో చిత్రాన్ని అనౌన్స్ చేశాడు. తన 36వ చిత్రం సెల్వరాఘవన్ దర్శకత్వంలో ఉంటుందని చెప్పేశాడు. థానా సెరందా.. రిలీజ్ అయ్యాక కొత్త చిత్రం షూటింగ్ లో పాల్గొనబోతున్నాడంట. అయితే ఈ వార్త ఆయన అభిమానుల్లో కలవరం పుట్టిస్తోంది.

అందుకు కారణం సెల్వ రాఘవన్ ట్రాక్ ఈ మధ్య సరిగ్గా లేకపోవటమే. దీనికి తోడు చిత్ర నిర్మాతలతో గొడవల కారణంగా రాఘవన్ చిత్రాలు కూడా ఆగిపోతున్నాయి కూడా. అంతెందుకు సూర్యతోనే గతేడాది ఓ చిత్రాన్ని అనౌన్స్ చేసి మరీ ప్రాజెక్టును సెల్వ రాఘవన్ కాన్సిల్ చేసుకున్నాడు. ఈ నేపథ్యంలో కొత్త చిత్రం విషయంలో అయినా ఖచ్ఛితంగా ఉంటాడేమో చూడాలి.