నటుడు చిన్నా వైఫ్ శిరీష కన్నుమూత

Posted: 09/13/2017 12:59 PM IST

టాలీవుడ్ లో మరో విషాదం చోటు చేసుకుంది. సీనియర్ నటుడు చిన్నా భార్య శిరీష(42) కన్నుమూశారు. దీర్ఘకాలంగా అనారోగ్యంతో బాధపడుతున్న ఆమె అపోలో ఆస్పత్రిలో చికిత్స పొందుతున్నారు. మంగళవారం ఆమె మృతి చెందినట్లు ఆస్పత్రి వర్గాలు వెల్లడించాయి.

జితేంద్ర రెడ్డి అలియాస్ చిన్నా రాంగోపాల్ వర్మ సెన్సేషన్ మూవీ శివతోనే టాలీవుడ్ లో ఆరంగ్రేటం చేశారు. ఆ సినిమాలో క్యారెక్టర్ చిన్నా కావటంతో అదే పేరు తర్వాత ఆయనకు సార్థకం అయిపోయింది. వర్మ చిత్రాలతోపాటు సుమారు 100కు పైగా సినిమాల్లో ఆయన నటించారు. కమెడియన్ క్యారెక్టర్లతోపాటు సహాయక పాత్రలు ఆయన పొషించారు. నిర్మాతగా.. దర్శకుడిగా కూడా ఆ మధ్య కొన్ని సినిమాలు తీశారు.

ఆ తర్వాత ఆయన సీరియళ్లకు అంకితం అయిపోయారు. భార్య శిరీష మృతితో చిన్నా కుటుంబ సభ్యుల్లో విషాదం నెలకొంది. పలువురు టాలీవుడ్ సెలబ్రిటీలు ఆయనను పరామర్శించారు. చిన్నా-శిరీష దంపతులకు ఇద్దరు కూతుళ్లు ఉన్నారు. తెలుగు విశేష్ తరపున ఆమె మృతి పట్ల సంతాపం వ్యక్తం చేస్తున్నాం.