పవన్ 25 ఫస్ట్ లుక్ డేట్ ఫిక్సయ్యిందా?

Posted: 08/04/2017 05:06 PM IST

పవన్ 25వ చిత్రం త్రివిక్రమ్ దర్శకత్వంలో రూపొందుతున్న విషయం తెలిసిందే. ఈ సినిమా షూటింగ్ మొదలై చాలా కాలమైనా ఇంతవరకూ ఫస్టు లుక్ బయటికి రాకపోవడంతో, దాని కోసం పవన్ అభిమానులంతా ఆసక్తిగా ఎదురుచూస్తున్నారు. ఈ నేపథ్యంలో పవర్ స్టార్ ఫ్యాన్స్ కు ఓ గుడ్ న్యూస్ అందిస్తోంది చిత్ర యూనిట్.

ఆగస్టు 14న అంటే స్వాతంత్ర్య దినోత్సవం ముందు రోజే ఈ సినిమా నుంచి ఫస్టు లుక్ ను విడుదల చేయనున్నట్టు తెలుస్తోంది. మొదటి నుంచి కూడా పవన్ కి దేశభక్తి ఎక్కువే. అందువలన ఆ రోజున లుక్ ను వదలడానికి ఆయన ఆసక్తిని చూపుతున్నాడట. త్వరలో ఈ విషయాన్ని ప్రకటించే ఛాన్స్ ఉందని అంటున్నారు. అయితే ఈ లోగా టైటిల్ ను ఫిక్స్ చేస్తారా? .. ఒక్క లుక్ మాత్రమే వదులుతారా? అనేది ఆసక్తికరంగా మారింది.

కీర్తి సురేష్, అనూ ఇమ్యానుయేల్ హీరోయిన్లుగా ఆది పినిశెట్టి, కుష్బూ కీలకపాత్రలలో నటిస్తున్న ఈ చిత్రానికి అనిరుధ్ సంగీతం అందిస్తున్నాడు. ఈ సినిమాకి 'ఇంజనీర్ బాబు' అనే టైటిల్ పరిశీలనలో ఉన్నట్టుగా తెలుస్తోంది.