తమ్మారెడ్డి ఇంట విషాదం.. మనవడి ఆకస్మిక మృతి

Posted: 07/05/2017 02:12 PM IST

టాలీవుడ్ నిర్మాత కమ్ దర్శకుడు తమ్మారెడ్డి భరద్వాజ ఇంట విషాదం నెలకొంది. అమెరికాలో ఉంటున్న ఆయన మనవడు సాకేత్ రామ్ వెల్లంకి(19) మంగళవారం ఆకస్మికమృతి చెందినట్లు తెలుస్తోంది. వర్జీనియా రాష్ట్రంలో చదువుతున్న సాకేత్ మృతికి గత కారణాలు తెలియరాలేదు.

తమ్మారెడ్డి కూతురు చరిత కొడుకే సాకేత్. అమెరికా కాలమానం ప్రకారం జూలై 3న సాకేత్ కన్నుమూశాడు. బారత కాలమాన ప్రకారం బుధవారం మధ్యాహ్నం 12 గంటల నుంచి 2 గంటల్లోపు వర్జీనియాలోని 9609 సెంటర్ స్ట్రీట్ మనస్సాస్ లో అంత్యక్రియలను నిర్వహించనున్నట్లు కుటుంబ సభ్యులు ఓ ప్రకటనలో తెలిపారు.

మరోపక్క సాకేత్ మరణంపై అమెరికా తెలుగు సంఘం (ఆటా) విచారం వ్యక్తం చేసింది. అంత్యక్రియలకు తెలుగు ఎన్నారైలు పెద్ద సంఖ్యలో హాజరు కానున్నట్లు తెలుస్తోంది. తమ్మారెడ్డి కుటుంబానికి తెలుగు విశేష్ తరపున ప్రగాఢ సానుభూతి తెలియజేస్తున్నాం.