నేచురల్ స్టార్ నాని రేర్ ఫీట్

Posted: 05/17/2017 06:03 PM IST

టాలీవుడ్ లో డబుల్ హ్యాట్రిక్ తర్వాత కూడా ఇంట్రెస్టింగ్ ప్రాజెక్టులతో ఫుల్ ఫామ్ లో బిజీగానే ఉన్నాడు నేచురల్ స్టార్ నాని. ఇప్పటికే నేను లోకల్ తో ఈ యేడాది పలకరించగా, నిన్ను కోరి, ఎంసీఏ అంటూ మరో రెండింటిని లైన్ లో పెట్టేశాడు. ఇందులో ముందుగా నిన్ను కోరి చిత్రం జూలైలో రానుంది. ఇప్పటికే దాదాపు షూటింగ్ పూర్తి చేసుకున్న ఈ సినిమాలో జెంటిల్మెన్ భామ నివేదా థామస్ జోడిగా నటిస్తుండగా, ఆదిపినిశెట్టి ఓ కీ రోల్ చేస్తున్నాడు.

ఇక ఈ చిత్రానికి సంబంధించి ఓ కొత్త వార్త బయటికి వచ్చింది. మాములుగా బాలీవుడ్ లో ఉండే ప్రమోషనల్ సాంగ్ కల్చర్ ను నాని ద్వారా త్వరలో మనమూ చూడబోతున్నాము. నిన్ను కోరి సినిమా కోసం ఇప్పటికే ఓ స్పెషల్ వీడియో సాంగ్ ను షూట్ చేసేశారంట. కేవలం ప్రమోషన్ కోసమే తప్ప సినిమాలో మాత్రం ఆ సాంగ్ ఉండదు. గోపీచంద్ సంగీత దర్శకత్వంలో ఈ వీడియో సాంగ్ ను రిలీజ్ చేయబోతున్నారంట.

జూన్ ఆఖరులో వీడియోను రిలీజ్ చేయబోతున్నారు. ఆ మధ్య బన్నీ ఆర్య-2, జులాయి టైంలో ఇలాంటి ప్రయోగమే ఒకటి చేశాడు. అఫ్ కోర్స్ డీ ఫర్ దొపిడీ, ఈగ సినిమాల ప్రమోషన్ సాంగ్ లోనూ నాని నటించాడు కూడా. ఇంకోవైపు వేణు శ్రీరామ్ దర్శకత్వంలో ఎంసీఏ రెగ్యులర్ షూటింగ్ లో పాల్గొంటున్నాడు నాని.