కర్రసాములో సమంత బిజీ బిజీ

Posted: 04/20/2017 01:14 PM IST

సౌత్ బ్యూటీ సమంత ఒళ్లు తగ్గించేందుకు మళ్లీ కసరత్తులు చేస్తోంది. చెర్రీ-సుక్కూ షూటింగ్ లో పాల్గొని తిరిగి హైదరాబాద్ వచ్చిన శామ్ జిమ్ లో తెగ బిజీగా ఉంది. అయితే ఈ క్రమంలో ఓ ప్రాచీన క్రీడను సాధన చేయటం చర్చనీయాంశంగా మారింది. సిలంబన్ అని పిలుచుకునే ఈ క్రీడ అదేనండీ మన భాషలో కర్రసామును సాధన చేస్తోంది.

అవలీలగా కర్రను తిప్పుతూ అద్దంలో చూసుకుంటూ మురిసిపోతుంది. ఆ వీడియో ఇప్పుడు నెట్ లో తెగ వైరల్ అవుతోంది. అన్నట్లు ఈ కొత్త అడిక్షన్ దేని కోసం అంటారా? అక్కడే క్లారిటీ లేకుండా పోయింది. ప్రస్తుతం రాంచరణ్ సినిమాతోపాటు విజయ్ సినిమా లో నటించబోతుంది. ఈ రెండింటిలో దేని కోసం చేస్తుందో ఖచ్ఛితంగా చెప్పలేం కానీ తనకు అలవాటు లేని పనిని శ్రద్ధగా నేర్చుకుంటున్న సమంతను చూసి అభినందించకుండా ఉండలేకపోతున్నాం.

 

#Samantha's new hobby is challenging and it's #Silambam. An action heroine in the making.
Awesome @Samanthaprabhu2 pic.twitter.com/ywTaLeuXGB

— Galatta Media (@galattadotcom) April 20, 2017

ఆ సంగతి పక్కన పెడితే తెలుగులో నాగ్ రాజుగారి గది-2 తోపాటు విజయ్ సేతుపతి చిత్రం, విశాల్ తో మరో సినిమాలో సమంత మెయిన్ లీడ్ పోషిస్తోంది. అన్నట్లు దేశంలోనే బిగ్ బడ్జెట్ మూవీగా తెరకెక్కుతున్న సంఘమిత్ర కోసం శృతీహాసన్ కూడా కళరి(కత్తిసాము)తో కష్టపడటం తెలిసిందే.