రాజశేఖర్ కొత్త సినిమాకు నిర్మాత మారాడా?

Posted: 02/22/2017 12:51 PM IST

New producer for rajasekhar praveen sattaru movie

యాంగ్రీ మాన్ రాజశేఖర్ కి లాస్ట్ సినిమా ఎప్పుడు హిట్ పడిందో కూడా సరిగ్గా ఎవరికీ గుర్తులేదు. బహుశా ఎవడైతే నాకేంటి లాంటి పొలిటికల్ జోనర్ సినిమా తర్వాత ఓ అరడజను ఫ్లాపులు ఆయన ఖాతాలో పడే ఉంటాయి. అయితే చందమామ కథలు, గుంటూరు టాకీస్ లాంటి చిత్రాల దర్శకుడు ప్రవీణ్ సత్తార్ తో సినిమా ప్రకటించగానే అందరిలో ఆసక్తి రేగింది.

పీఎస్ వీ గరుడ వేగ 126.18 అనే ఓ విచిత్రమైన టైటిల్ తో తెరకెక్కబోతున్న ఈ కాప్ స్టోరీ ఫస్ట్ లుక్ ఆ మధ్య సెన్సేషన్ గా మారింది. మళ్లీ పాత రోజుల్లో రాజశేఖర్ ను గుర్తు చేసిదిగా ఉన్న ఆ పోస్టర్ లో వైవిధ్యం సినిమాపై ఆసక్తిని రేకెత్తించింది. రాజశేఖర్ కెరీర్ లోనే భారీ బడ్జెట్ సినిమాగానే కాదు, ఎక్కువ శాతం విదేశాల్లో షూటింగ్ జరుపుకుంటోంది కూడా.

ఇదిలా ఉంటే ఈ సినిమాకు ఇప్పుడు కొత్త చిక్కు ఎదురయ్యింది. ఆర్థిక సమస్యలతో ఈ చిత్ర నిర్మాత డ్రాప్ అయినట్లు సమాచారం. అల్రెడీ బడ్జెట్ ఇప్పటికే సుమారు 7 కోట్ల దాకా అవగా, తన వల్ల కాదని చేతులెత్తేశాడంట. దీంతో ఆ బాధ్యతలను తన వైఫ్ జీవితను టేకోవర్ చేసుకోవాలని రాజశేఖర్ సూచించినట్లు తెలుస్తోంది. యాక్షన్ థ్రిల్లర్ గా తెరకెక్కుతున్న కథపై కాన్ఫిడెన్స్ తోనే ఈ సీనియర్ హీరో ధైర్యం చేసినట్లు సమాచారం. అయితే డైరక్షన్ విభాగంలో జీవిత మాత్రం జోక్యం చేసుకోకపోతే మంచిదని పలువురు సూచిస్తున్నారు. కమ్ బ్యాక్ లో మరి ఈ హీరో హిట్ కొడతాడేమో చూడాలి మరి.