వైరస్ కంటే వేగంగా దూసుకొస్తున్న సంపూ

Posted: 01/21/2017 01:35 PM IST

బర్నింగ్ స్టార్ సంపూర్ణేష్ బాబు చాలా గ్యాప్ తో మళ్లీ దూసుకోస్తున్నాడు. హృదయకాలేయం సినిమాతో వన్ మూవీ వండర్ గా మారిపోయిన ఈ బర్నింగ్ స్టార్ తర్వాత చేసిన సినిమాలు పెద్దగా ఆడలేదు. దీంతో మరోసారి డార్క్ కామెడీతోనే అలరించేందుకు సిద్ధమైపోయి వైరస్ గా మన ముందకు రాబోతున్నాడు.

ఇప్పటికే రిలీజ్ అయిన ఫస్ట్ లుక్ విపరీతంగా ఆకట్టుకోగా, మేకర్లు కాసేపటి క్రితం మోషన్ పోస్టర్ ను విడుదల చేశారు. సంపూ కొత్త సినిమా పేరు డబ్యుడబ్యుడబ్యు. వైరస్.కామ్. 'నో వ్యాక్సీన్.. ఓన్లీ టాక్సిన్' అంటూ ఓ ట్యాగ్ లైన్ కూడా తగిలించారు. ఓ పిలకతో నటరాజ స్వామి ముందు ఓ నాట్యకారుడి టైపులో మెలికలు తిరుగుతూ.. ఆపై తన స్టైల్ గల్లా లుంగీ ఒంటి కాలు ఫీట్, పక్కనే మంటల్లో కాలిపోతున్న కారు, ఇక చివరగా దూసుకొచ్చే సంపూ అసలు రూపం అందులో ఉన్నాయి.

 

భయంకరమైన హారర్ కామెడీతో పాటు.. మర్డర్ మిస్టరీతో థ్రిల్లర్ మూవీ ఇప్పటికే దర్శకుడు ఎస్.ఆర్. కృష్ణ. మరి దానికి వైరస్ కు సంబంధం ఏంటో, ఏ రూపంలో బర్నింగ్ స్టార్ కామెడీ పండించబోతున్నాడో తెలియాలంటే కొద్దిరోజులు ఆగాల్సిందే.