విడుదలకు ముందే బాహుబలి 2 రికార్డులు..

Posted: 10/11/2016 11:44 AM IST

తెలుగు మార్కెట్లో వసూళ్లపై ఎక్కువ ప్రభావం చూపించేది నైజాం ఏరియానే. స్టార్ హీరోల సినిమాలు నైజాంలోనే ఎక్కువగా రికార్డులు సృష్టిస్తుంటాయి. తెలుగు రాష్ట్రాల్లో మార్కెట్ కు అత్యంత కీలకమైన నైజాం ఏరియాలో ఇప్పుడు బాహుబలి-2 సినిమా ప్రకంపనలు సృష్టిస్తోంది. విడుదలకు ముందే ప్రీ-రిలీజ్ బిజినెస్ లో ఈ సినిమా చేస్తున్న మేజిక్, మార్కెట్ వర్గాలకు చెమటలు పట్టిస్తోంది. అవును.. నైజాంలో ఈ సినిమా ఏకంగా 45 కోట్ల రూపాయలకు అమ్ముడుపోయిందట. అంటే.. కేవలం నైజాం ఏరియా నుంచి వచ్చిన డబ్బుతోనే, తెలుగులో ఓ భారీ బడ్జెట్ సినిమా తీయొచ్చన్న మాట.

అలా నైజాంలో బాహుబలి-2 సినిమా ఎవరికీ అందరి మార్క్ సెట్ చేసింది. తాజా సమాచారం ప్రకారం… ఏషియన్ సినిమాస్ కు చెందిన సునీల్… ఈ సినిమా రైట్స్ ను దక్కించుకున్నట్టు తెలుస్తోంది. నిజానికి పరిశ్రమకు చెందిన బడా ప్రొడ్యూసర్లు కొందరు బాహుబలి-2 నైజాం రైట్స్ దక్కించుకోవాలని చూశారు. అల్లు అరవింద్. దిల్ రాజు లాంటి నిర్మాతలు ఈ వరుసలో ఉన్నారు. కానీ ఫైనల్ గా ఏషియల్ సురేష్ కు బాహుబలి-2 రైట్స్ దక్కినట్టు తెలుస్తోంది. ఏషియన్ సురేష్ కోట్ చేసిన ఎమౌంట్ ను అల్లు అరవింద్ కలలో కూడా ఊహించలేదట. అలా బాహుబలి సినిమా ప్రీ-రిలీజ్ లో రికార్డు సెట్ చేసింది.