గ్యారేజ్ క్లైమాక్స్ లో ఈ ట్విస్ట్ ఏంటీ?

Posted: 08/02/2016 10:00 AM IST

తెలుగులో ఈ యేడాది మోస్ట్ అవెయిటింగ్ గా ఉన్నది ఏంటంటే... జనతా గ్యారేజ్ అనే చెప్పొచ్చు. యంగ్ టైగర్ ఎన్టీఆర్-కొరటాల శివ కాంబినేషన్ పైగా మోహన్ లాల్ కీలక పాత్ర కావటంతో ఈ చిత్రంపై అంచనాలు ఆకాశాన్ని అంటాయి. అయితే తాజాగా వస్తున్న సమాచారం ఏంటంటే... ఈ చిత్ర క్లైమాక్స్ కోసం ఇప్పటిదాకా ఏ తెలుగు చిత్రం కోసం చేయని పని చేస్తున్నారని తెలుస్తోంది.

జనతా గ్యారేజ్ కోసం దర్శకుడు కొరటాల రెండు క్లైమాక్స్ లను ఫ్లాన్ చేస్తున్నాడంట. అందులో ఒకటి తెలుగు వర్షన్ కి సంబంధించింది కాగా, మరోకటి మళయాళం వర్షన్ కోసం... మొన్నామధ్యే విడుదలైన టీజర్ ఇక్కడా, అక్కడా వేర్వేరు వర్షన్ లుగా విడుదల చేసిన సంగతి తెలిసిందే. దీంతో ఇప్పుడు క్లైమాక్స్ లను కూడా వేర్వేరుగా షూట్ చేయాలని అనుకుంటున్నాడంట. అయితే దీనివెనుక నటుడు మోహన్ లాల్ ప్రమేయం ఉన్నట్లు చెప్పుకుంటున్నారు.

మళయాళం వర్షన్ హక్కులను మోహన్ లాల్ సొంతం చేసుకుని, అక్కడ భారీ రేటుకు అమ్ముకున్నాడు. దీంతో మోహన్ లాల్ దగ్గరుండి మరీ ఈ సినిమాపై ప్రత్యేక శ్రధ్ద కనబరుస్తున్నాడు. ఆయనతోపాటు, మళయాళంలో క్రేజ్ ఉన్న మరో నటుడు ఉన్నిముకుంద్ కూడా ఇందులో నటిస్తున్న సంగతి తెలిసిందే. దీంతో మాలీవుడ్ ప్రేక్షకులను సంతృప్తిపరిచేలా క్లైమాక్స్ మార్చాలని కొరటాలపై కాస్త ఒత్తిడి తెచ్చాడంట. దీంతో ఈ చిత్రానికి రెండు ముగింపులు ఉండేలా ఫ్లాన్ చేస్తున్నాడని తెలుస్తోంది.

రీసెంట్ గా వచ్చిన సూపర్ స్టార్ కబాలి విషయంలో కూడా ఇలాగే రెండు క్లైమాక్స్ లు గా మార్చిన సంగతి తెలిసిందే. మన దగ్గర రజనీని చంపినట్లు చూపించగా, మలేషియా వర్షన్ క్లైమాక్స్ లో మాత్రం అక్కడి పోలీసు మనోభావాలు దెబ్బతీయకుండా కేవలం అరెస్ట్ చేసినట్లు మాత్రమే చూపారంట.

గ్యారేజ్ కథ క్లైమాక్స్ కి వచ్చింది..!!

జనతా గ్యారేజ్ సాంగ్ లీక్ పని ఎవరిది?