'మేము' ఎంతవరకూ మెప్పిస్తుంది.. ?

Posted: 07/01/2016 11:22 AM IST

Hero suriya memu movie releasing july 8th in telugu

సాయి మణికంఠ క్రియేషన్స్ పతాకంపై జూలకంటి మధుసూదన్‌డ్డి నిర్మిస్తున్న చిత్రం మేము. ఈ సినిమాని పాండిరాజ్ దర్శకత్వం వహిస్తున్నాడు. తమిళ క్రేజీ స్టార్ సూర్య , అమాలాపాల్, తెలుగు సుందరి బిందుమాధవి హీరో హీరోయిన్స్ గా నటిస్తున్న ఈ సినిమా విడుదలకు సిద్ధంగా ఉంది. జులై 8వ తేదిన తెలుగులో విడుదల చేసేందుకు సిద్ధం చేసారు. 24 సినిమా తర్వాత వస్తున్న సూర్య సినిమా కావడంతో ఈ సినిమాపై అంచనాలు పెరిగిపోయాయి. సినిమాని ఒక ఆర్ట్ ఫిల్మ్ గా ముందే చూపించడంతో ఆ ఫీల్ తోనే ప్రేక్షకులు థియేటర్స్ కి వచ్చే అవకాశముందుని అందుకే సినిమా హిట్ అవుతుందని చెప్తున్నారు చిత్రయూనిట్ వర్గాలు.

ముఖ్యంగా ఈ సినిమాలో పిల్లలని తల్లిదండ్రులు ఎలా పెంచాలి ? వాళ్ల పాత్ర ఏంటి అనేదానిపైన సినిమాని చక్కగా తీసామని, ప్రతి పేరెంట్ ఖచ్చితంగా ఈ సినిమా చూడాలని చెప్తున్నాడు దర్శకుడు. నేడు సమాజం పిల్లలపై ఎలాంటి ప్రభావాన్ని చూపిస్తోంది ? అందుకు పేరెంట్స్ గా మనమేం చెయ్యాలి అనే అంశాన్ని చక్కగా ఆవిష్కరించిన దర్శకుడికి హేట్సాఫ్ అంటూ సూర్య చేసిన ట్వీట్ ఇప్పుడు సినిమాపై మరింత ప్రభావాన్ని చూపించే అవకాశం ఉంది. తమిళంలో సినిమాకి మంచి రిపోర్ట్స్ వచ్చాయని, తెలుగు ప్రేక్షకులకు కూడ ఈ సినిమా బాగా కనెక్ట్ అవుతుందని చిత్రయూనిట్ మంచి కాన్ఫిడెంట్ గా ఉంది.

- మూర్తి