భారీ రేటుకు జనతా గ్యారేజ్..!

Posted: 06/13/2016 04:24 PM IST

‘నాన్నకు ప్రేమతో’ తర్వాత యంగ్ టైగర్ ఎన్టీఆర్ నటిస్తున్న ‘జనతా గ్యారేజ్’ చిత్రం షూటింగ్ శరవేగంగా జరుగుతోంది. సక్సెస్ ఫుల్ డైరెక్టర్ కొరటాల శివ దర్శకత్వంలో రూపొందుతున్న ఈ చిత్రాన్ని భారీ బడ్జెట్ తో మైత్రీమూవీ మేకర్స్ సంస్థ నిర్మిస్తుంది. దేవిశ్రీప్రసాద్ సంగీతం అందిస్తున్నాడు.

మలయాళం సూపర్ స్టార్ మోహన్ లాల్ ముఖ్య పాత్రలో నటిస్తుండటం వల్ల ఈ సినిమాపై అంచనాలు భారీగా పెరిగిపోయాయి. కేవలం తెలుగులోనే కాకుండా మలయాళంలో కూడా విడుదల కానున్న ఈ సినిమాపై అంచనాలు బాగా వున్నాయి. ఈ సినిమాపై ఇప్పటికే పాజిటివ్ టాక్ వస్తుండటంతో డిస్ట్రిబ్యూషన్ రైట్స్ కోసం డిస్ట్రిబ్యూటర్ తెగ ఆరటపడుతున్నారు.

తాజా సమాచారం ప్రకారం... ఈ సినిమా నైజాం ఏరియా రైట్స్ ను దాదాపు 15కోట్లకు ప్రముఖ సక్సెస్ ఫుల్ డిస్ట్రిబ్యూటర్ సొంతం చేసుకున్నట్లుగా తెలిసింది. ఇది ఎన్టీఆర్ కెరీర్లోనే బిగ్గెస్ట్ రేట్ అంటూ ట్రేడ్ వర్గాలు చెబుతున్నాయి. ఇక మలయాళంలో కూడా ఇదే పరిస్థితి. సమంత, నిత్యామీనన్ హీరోయిన్లుగా నటిస్తున్న ఈ సినిమా ఫస్ట్ లుక్ టీజర్ ను రంజాన్ కానుకగా విడుదల చేయనున్నారు. త్వరలోనే అన్ని వివరాలను అధికారికంగా ప్రకటించనున్నారు.