అలా చేయమని రెచ్చగొట్టారట

Posted: 06/13/2016 03:27 PM IST

తెలుగమ్మాయి ఆనంది.. తెలుగులో అవకాశాలు అంతగా రాకపోవడంతో తమిళ ఇండస్ట్రీలోకి ఎంట్రీ ఇచ్చి, అక్కడ వరుస సినిమాలతో బిజీగా మారింది. అయితే అక్కడ నటనతో పాటు ఈ అమ్మడికి కొన్ని కండీషన్లు కూడా పెడుతున్నారట అక్కడి దర్శకనిర్మాతలు. ఇటీవలే ఈ అమ్మడు నటించిన ‘త్రిష లేదా నయనతార’ చిత్రంలో గ్లామర్ డోస్ ఎక్కువయ్యిందని, మరోసారి అలాంటి పాత్రల్లో నటించనంటూ ప్రకటించింది.

కానీ ఈ అమ్మడికి ఈమధ్య ఓ దర్శకనిర్మాత బికినీలో నటించాలంటూ ఒత్తిడి తెచ్చాడట. బికినీలో రెండు మూడు హాట్ సీన్లు వున్నాయని, అందువల్ల బికినీ ధరించాలంటూ ఒత్తిడి చేసారని ఆనంది చెప్పుకొచ్చింది. ఇలా పలు చేదు అనుభవాలను ఎదుర్కొన్నానని చెప్పుకొచ్చింది. కానీ బికినీ, గ్లామర్ పాత్రలలో నటించమని ఎంత ఒత్తిడి తెచ్చినప్పటికీ అలాంటి పాత్రలు, డ్రెస్సులు వేసే ప్రసక్తి లేదని తేల్చి చెప్పేసానని ఆనంది చెప్పుకొచ్చింది.

ప్రస్తుతం ఈ అమ్మడు నటించిన ‘ఇనక్కు ఇన్నోరు పేర్ ఇరుక్కు’(తెలుగులో ‘నాకు ఇంకో పేరుంది’) చిత్రం విడుదలకు సిద్ధమయ్యింది. ఈనెల 17న ప్రేక్షకుల ముందుకు రానుంది. ఈ సినిమా విడుదల సంధర్భంగా ఓ మీడియా ఇంటర్వ్యూలో మాట్లాడుతూ ఆనంది తన చేదు అనుభవాలను సైతం చెప్పుకొచ్చింది. కథ వినే సమయంలోనే తాను గ్లామరస్, బికినీ పాత్రలు చేయనని ముందే దర్శకుడితో చెబుతానని తెలిపింది. మరి ఈ అమ్మడు ఈ ‘ఇనక్కు ఇన్నోరు పేర్ ఇరుక్కు’ సినిమాలో ఎలా కనిపించిందో మరికొద్ది రోజుల్లోనే తెలియనుంది.