విజయ్ ‘పోలీసోడు’ సెన్సార్ పూర్తి

Posted: 04/04/2016 09:16 AM IST

ఇళయతలపతి విజయ్ నటించిన ‘తెరి’ చిత్రం తెలుగులో ‘పోలీసోడు’ అనే టైటిల్ తో విడుదల కానుంది. ఈ చిత్రం సెన్సార్ కార్యక్రమం విజయవంతంగా పూర్తి చేసుకుని, U సర్టిఫికేట్ ను దక్కించుకుంది. ఈ చిత్రాన్ని తెలుగులో శ్రీ వెంకటేశ్వర క్రియేషన్స్ బ్యానర్ పై నిర్మాత దిల్ రాజు విడుదల చేస్తున్నారు.

జి.వి.ప్రకాష్ కుమార్ సంగీతం అందించిన ఈ చిత్ర తెలుగు ఆడియోను ఈనెల 6న భారీ ఎత్తున హైదరాబాద్ లో విడుదల చేసేందుకు దిల్ రాజు సన్నాహాలు చేస్తున్నారు. ‘రాజారాణి’ చిత్రంతో మంచి పేరు సంపాదించుకున్న అట్లి దర్శకత్వంలో ముస్తాబవుతోన్న ఈ చిత్రంపై భారీ ఆశలు ఉన్నాయి. భారీ వ్యయంతో, అత్యున్నత సాంకేతిక విలువలతో ఈ చిత్రాన్ని అట్లి తెరకెక్కించారు. ప్రస్తుతం నిర్మాణాంతర కార్యక్రమాలు జరుపుకుంటోన్న ఈ చిత్రాన్ని ఏప్రిల్ నెలలో గ్రాండ్ గా విడుదల చేయనున్నారు.

విజయ్ , సమంత, అమీ జాక్సన్, ప్రభు, రాధిక, మహేంద్రన్ తదితరులు ప్రధాన పాత్రలలో నటిస్తున్నారు. దర్శకత్వం - స్క్రీన్ ప్లే - అట్లి; ఫోటోగ్రఫీ - జార్జ్ సి విలియమ్స్; ఎడిటర్ - అన్తోనీ రుబెన్; సంగీతం - జి . వి . ప్రకాష్ కుమార్; సహా నిర్మాతలు - శిరీష్ , లక్ష్మణ్; నిర్మాతలు - రాజు, కలైపులి ఎస్ థాను.