రాహుల్ ను పెళ్లి చేసుకున్న ఆసిన్

Posted: 01/19/2016 06:31 PM IST

తెలుగులో ‘అమ్మనాన్న ఓ తమిళమ్మాయి’ సినిమాతో, హిందీలో ‘గజిని’ సినిమాతో మంచి క్రేజ్ ను దక్కించుకొన్న హీరోయిన్ ఆసిన్ పెళ్లి అయిపోయింది. ఈ అమ్మడు గతకొద్ది కాలంగా ప్రముఖ మైక్రోమాక్స్ సంస్థ యాజమాని అయినటువంటి రాహుల్ శర్మతో ప్రేమాయణం కొనసాగిస్తోంది. ఇటీవలే తన ప్రేమను అధికారికంగా ప్రకటించింది.

అయితే ఈరోజు ఉదయం రాహుల్ శర్మతో ఆసిన్ వివాహం న్యూ ఢిల్లీలోని ఓ చర్చిలో జరిగింది. కాగా సాయంత్రం ఓ రిసార్ట్స్లో హిందూ సాంప్రదాయం ప్రకారం ఈ జంట మరోసారి పెళ్లాడనుంది. ఉదయం జరిగిన పెళ్లి వేడుకలో కేవలం ఇరు కుటుంబ సభ్యులు, సన్నిహితులు మాత్రమే హాజరైనట్లుగా తెలిసింది.

ఇక సాయంత్రం అంగరంగ వైభవంగా హిందూ సాంప్రదాయంలో జరుగనున్న వేడుకలో పెళ్లికూతురు అసిన్ ప్రముఖ డిజైనర్ సవ్యసాచి రూపొందించిన దుస్తుల్లో మెరవనున్నారు. ఈ వేడుకకు పలువురు సినీ ప్రముఖులు హాజరు కానున్నారు. ఇక జనవరి 23న ముంబైలో ఆసిన్ వివాహ రిసెప్షన్ పార్టీ గ్రాండ్ గా జరుగనుంది. ఈ వేడుకకు హిందీ, తెలుగు, తమిళం, మలయాళం సినీ ఇండస్ట్రీకి సంబంధించిన పలువురు సినీప్రముఖులు హాజరు కానున్నారు.