‘బెంగాల్ టైగర్’టీంతో మరోసారి: రవితేజ

Posted: 12/19/2015 10:27 AM IST

రవితేజ, తమన్నా, రాశిఖన్నా హీరోహీరోయిన్లుగా నటించిన ‘బెంగాల్ టైగర్’ చిత్రం ఇటీవలే విడుదలై పాజిటివ్ టాక్ ను సొంతం చేసుకున్న విషయం తెలిసిందే. శ్రీ సత్యసాయి ఆర్ట్స్ బ్యానర్ పై కె.కె.రాధామోహన్ నిర్మించిన ఈ చిత్రానికి సంపత్ నంది దర్శకత్వం వహించాడు.

తాజాగా ఈ చిత్ర యూనిట్ సక్సెస్ మీట్ ను హైదరాబాద్ లో సక్సెస్ మీట్ ను ఏర్పాటు చేసారు. ఈ కార్యక్రమంలో రవితేజ, తమన్నా, సంపత్ నంది, కె.కె.రాధామోహన్, రామ్ లక్ష్మణ్ తదితరులు పాల్గొన్నారు. ఈ సంధర్భంగా రవితేజ మాట్లాడుతూ... బెంగాల్ టైగర్ తో సంపత్ నందికి హ్యట్రిక్ హిట్ రావడం చాలా సంతోషంగా వుంది. ఈ సక్సెస్ టీం అందరిది. ఈ ‘బెంగాల్ టైగర్’ టీంతో మరోసారి పనిచేయాలని వుందని అన్నారు.

తమన్నా మాట్లాడుతూ... ‘బెంగాల్ టైగర్’ను ఇంత పెద్ద సక్సెస్ చేసిన అందరికీ థాంక్స్. రవితేజ లేని ఈ సినిమా సక్సెస్ ను ఊహించలేం. రాధామోహన్ గారు ఈ సినిమా స్టార్ట్ అయినప్పటి నుంచి ఇప్పటివరకు ఈ సినిమాను పక్కా ప్లానింగ్ తో ముందుకు తీసుకెళ్లారు. మంచి టీంతో పనిచేసినందుకు చాలా ఆనందంగా వుందని అన్నారు.