స్టైలిష్ లుక్స్ లో మనోజ్ ‘శౌర్య’ ఫస్ట్ లుక్

Posted: 11/20/2015 03:40 PM IST

‘కరెంటు తీగ’ చిత్రం తర్వాత మంచు మనోజ్ హీరోగా నటిస్తున్న తాజా చిత్రం ‘శౌర్య’. ఫ్యామిలీ ఎంటర్ టైనర్ చిత్రాల దర్శకుడు దశరథ్ దర్శకత్వంలో తెరకెక్కుతున్న ఈ చిత్రాన్ని ,సురక్ష ఎంటర్టైన్మెంట్స్ ఇండియా ప్రైవేట్ లిమిటెడ్ బ్యానర్ పై నిర్మాత మల్కాపురం శివకుమార్ నిర్మిస్తున్నారు.

మనోజ్ సరసన తొలిసారిగా రెజీనా హీరోయిన్ గా నటిస్తుంది. తాజాగా ఈ చిత్ర ఫస్ట్ లుక్ పోస్టర్లను విడుదల చేసారు. ప్రస్తుతం ఈ చిత్ర షూటింగ్ శరవేగంగా జరుగుతోంది. ఎ థ్రిల్లింగ్ లవ్ స్టోరీ అంటూ తెరకెక్కుతున్న ఈ చిత్రానికి కె.వేదా సంగీతం అందిస్తున్నారు.

‘దొంగ దొంగది’, ‘నేను మీకు తెలుసా’ వంటి విభిన్నమైన లవ్ స్టోరీ చిత్రాల తర్వాత మనోజ్ నటిస్తున్న ఈ ‘శౌర్య’ సినిమా తప్పకుండా ప్రేక్షకులను అలరిస్తోందని చిత్ర యూనిట్ భావిస్తున్నారు. ఈ సినిమాను వచ్చే ఏడాది ప్రేక్షకుల ముందుకు తీసుకురానున్నారు.