వాళ్లు సయ్యంటే మల్టీస్టారర్ కు సిద్ధమంటున్న శ్రీనువైట్ల

Posted: 10/15/2015 05:55 PM IST

Srinu vaitla dream project with pawan and mahesh

టాలీవుడ్ కమర్షియల్ ఎంటర్ టైనర్ చిత్రాల దర్శకుడు శ్రీనువైట్ల దర్శకత్వంలో రూపొందిన తాజా చిత్రం ‘బ్రూస్ లీ-ది ఫైటర్’. రాంచరణ్, రకూల్ ప్రీత్ సింగ్ జంటగా నటించిన ఈ చిత్రం ఈనెల 16వ తేదిన ప్రపంచ వ్యాప్తంగా గ్రాండ్ గా విడుదల కానుంది. ఈ సంధర్భంగా చిత్ర యూనిట్ ప్రమోషన్ కార్యక్రమాల్లో బిజీగా వున్నారు.

దర్శకుడు ఈ చిత్ర విశేషాలను తెలియజేస్తూ తాజాగా తన డ్రీం ప్రాజెక్టు గురించి తెలియజేసారు. శ్రీనువైట్ల తాజాగా ఓ మీడియాకు ఇచ్చిన ఇంటర్వ్యూలో మాట్లాడుతూ... పవన్ కళ్యాణ్, మహేష్ బాబులతో కలిసి ఓ భారీ మల్టీస్టారర్ చిత్రం చేయాలనేది తన డ్రీం ప్రాజెక్ట్ అని చెప్పుకొచ్చాడు.

ఇప్పటికే మహేష్ తో ‘దూకుడు’, ‘ఆగడు’ వంటి చిత్రాలను తీసిన శ్రీనువైట్ల... పవన్ కళ్యాణ్ కోసం ఓ స్ర్కిప్టు రెడీగా వుందని చెప్పుకొచ్చాడు. అయితే మహేష్, పవన్ లు గ్రీన్ సిగ్నల్ ఇస్తే వారితో ఓ భారీ మల్టీస్టారర్ చిత్రం తీయాలనుందని శ్రీనువైట్ల చెప్పుకొచ్చాడు.

మరి పవన్, మహేష్ లు గ్రీన్ సిగ్నల్ ఇస్తారో లేదో చూడాలి. అయినా వీరిద్దరూ కలిసి చేస్తున్నారంటే ఆ సినిమా ఏ రేంజులో వుండబోతుందోనని అంచనాలు ‘బాహుబలి’ స్థాయిని మించిపోతాయి. మరి ఆ అంచనాలను శ్రీనువైట్ల అందుకుంటాడో లేదో భవిష్యత్తులోనే చూడాలి.