‘మాడా’ వెంకటేశ్వరరావు కన్నుమూత

Posted: 10/15/2015 09:35 AM IST

ప్రముఖ హాస్యనటుడు ‘మాడా’ వెంకటేశ్వరరావు(65) మరణించారు. గతకొంత కాలంగా ఆనారోగ్యంతో బాధపడుతున్న ఆయన తన తుదిశ్వాసను విడిచారు. 1950 అక్టోబర్ 10న జన్మించిన ఆయన ‘ముత్యాల ముగ్గు’, ‘చిల్లరకొట్టు చిట్టెమ్మ’ వంటి పలు హిట్ చిత్రాలలో నటించారు.

‘లంబడోళ్ల రామదాసు’ సినిమాలో మాడా పాత్రలో నటించిన ఆయన.. అప్పటి నుంచి ‘మాడా’ వెంకటేశ్వరరావుగా పాపులర్ అయ్యారు. నటుడిగా, కమెడియన్ గా తనకంటూ ఓ గుర్తింపును సంపాదించుకుని ప్రేక్షకులను అలరించేవారు.

‘చూడు పిన్నమ్మ.. పాడు పిల్లాడు’ అనే పాట మాడా వెంకటేశ్వరరావుకు భారీ క్రేజ్ తెచ్చిపెట్టింది. ఈ పాట ఇప్పటికీ కూడా మారుమ్రోగుతూనే వుంది. అలాంటి మాడా వెంకటేశ్వరరావు అస్వస్థతతో కన్నుమూశారు. ఆయన మృతికి టాలీవుడ్ సినీ ప్రముఖులతో పాటు తెలంగాణ సిఎం కేసిఆర్ సంతాపం తెలిపారు.