‘మహీంద్రా’ యాడ్ లో దుమ్మురేపిన ప్రభాస్

Posted: 09/30/2015 01:53 PM IST

Prabhas first commercial ad of mahindra has released bahubali movie updates

‘బాహుబలి’ చిత్రంలో నటించిన తర్వాత రెబెల్ స్టార్ ప్రభాస్ కేవలం బాలీవుడ్ లోనే కాకుండా ప్రపంచవ్యాప్తంగా ‘యూనివర్సల్ స్టార్’ హోదా సంపాదించేసుకున్నాడు. నిన్నటిదాకా టాలీవుడ్ లోనే తనకంటూ ప్రత్యేక గుర్తింపు సంపాదించుకున్న ఈ హీరో.. ఇప్పుడు ప్రపంచవ్యాప్తంగా ఎంతోమంది అభిమానుల్ని తనవైపుకు ఆకర్షించుకున్నాడు. ఒక్కమాటలో చెప్పాలంటే.. ‘బాహుబలి’ ప్రభాస్ స్థాయిని హాలీవుడ్ హీరో రేంజుకు తీసుకెళ్లింది. అందుకే.. ఇతని ఇమేజ్ ని క్యాష్ చేసుకోవడం కోసం కొన్ని కంపెనీలు తమ ప్రోడక్టులకు అతనిని బ్రాండ్ అంబాసిడర్ గా నియమించుకునేందుకు ముందుకు వచ్చాయి. ఇప్పటికే పలు కంపెనీలు ప్రభాస్ ని సంప్రదించగా.. అందులో మహీంద్రా అండ్ మహీంద్రాతో ఒప్పందం కుదుర్చుకున్నాడు. ఆ ఒప్పందంలో భాగంగానే ప్రభాస్ తొలిసారిగా నటించిన యాడ్ లో దుమ్మురేపేశాడు.

మహీంద్రా కంపెనీ కొత్త మోడల్ TUV300కు బ్రాండ్ అంబాసిడర్ గా ఒప్పుకున్న విషయం తెలిసిందే. ఈ యాడ్ కు సంబంధించి ఇదివరకే ఫస్ట్ లుక్ విడుదల కాగా.. ఇప్పుడు తాజాగా వీడియోను రిలీజ్ చేశారు. మహీంద్రా TUV300తో ప్రభాస్ తనదైన స్టైల్ లో దూసుకుపోతూ యాడ్ లో ఇరగదీశాడు. ఈ వీడియోపై అప్పుడే అభినందనలు వెల్లువెత్తుతున్నాయి. అన్న ప్రభాస్ ఎంతకష్టమైన పనినైనా చిటికెలో చేసేస్తాడంటూ భల్లాలదేవ ట్వీటిచ్చాడు. అంతేకాదు మహేంద్ర కార్ యాడ్ ను పోస్ట్ చేశాడు. ఈ యాడ్‌ కోసం చిత్రీకరణకు ఇటీవల భారీ షూట్ జరిగిన సంగతి తెలిసిందే. క్రేజీ యాడ్‌ ఫిలిం మేకర్‌ పర్వేజ్‌ షేక్‌ ఈ యాడ్‌ ను రూపొందించారు. ఇక ఈ యాడ్ చివరలో ‘వన్ మోర్’ అంటూ ప్రభాస్ చెప్పి.. అభిమానులకు మరింత కిక్ ఇచ్చాడు. ఈ కంపెనీకి సంబంధించి మరో యాడ్ కూడా రావచ్చునని ఊహాగానాలు వినిపిస్తున్నాయి. ఏదేమైనా.. నిన్నటిదాకా వెండితెర మీద తన సత్తా చాటిన ప్రభాస్.. ఇక నుంచి బుల్లితెర మీద యాడ్ ల ప్రేక్షకుల్ని అలరించనున్నాడని చెప్పుకుంటున్నారు.