అమీర్ 'దంగల్' ఫస్ట్ లుక్ కిరాక్

Posted: 09/22/2015 04:13 PM IST

'పికె' వంటి భారీ బ్లాక్ బస్టర్ హిట్ చిత్రం తర్వాత బాలీవుడ్ స్టార్ హీరో అమీర్ ఖాన్ హీరోగా నటిస్తున్న తాజా చిత్రం 'దంగల్'. నితీష్ తివారి దర్శకత్వంలో తెరకెక్కుతున్న ఈ చిత్రాన్ని అమీర్ ఖాన్ తన సొంత బ్యానర్ పై నిర్మిస్తున్నారు. ఇందులో అమీర్ ఖాన్ విభిన్న పాత్రలో నటిస్తున్నాడు.

ఈ చిత్ర ఫస్ట్ లుక్ పోస్టర్ ను అమీర్ ఖాన్ తన సోషల్ మీడియా ట్విట్టర్ ద్వారా విడుదల చేసారు. ఈ పోస్టర్ కు భారీ రెస్పాన్స్ వస్తుంది. దీంతో ఈ సినిమాపై భారీ అంచనాలు ఏర్పడ్డాయి. తాజాగా ఈ చిత్ర షూటింగ్ మొదలయ్యింది. మహవీర్‌ సింగ్‌ ఫోగట్‌ అనే మల్లయోధుడి జీవితం ఆధారంగా తెరకెక్కుతున్న చిత్రమిది. ఇందులో అమీర్‌ మహవీర్‌ సింగ్‌గా కనిపించబోతున్నాడు.

ఈ సినిమాలో అమీర్ ఖాన్ సరసన సాక్షి తన్వర్‌ నటిస్తోంది. అమీర్ ఖాన్ కుమార్తెలుగా ఫాతిమా సనా షేక్‌, సన్యా మల్హోత్రా నటిస్తున్నారు. నితీష్‌ తివారీ దర్శకత్వం వహిస్తున్న ఈ చిత్రాన్ని వచ్చే ఏడాది క్రిస్మస్‌ సందర్భంగా విడుదల చేయనున్నారు.