రొమాంటిక్ గా ‘కుమారి 21 F’ ఫస్ట్ లుక్ పోస్టర్

Posted: 09/14/2015 10:40 AM IST

‘సినిమా చూపిస్త మావ’ చిత్రం తర్వాత రాజ్ తరుణ్ నటిస్తున్న తాజా చిత్రం ‘కుమారి21F’. ప్రముఖ దర్శకుడు సుకుమార్ తొలిసారిగా నిర్మాతగా మారి నిర్మిస్తున్న ఈ చిత్రానికి పల్నాటి సూర్యప్రతాప్ దర్శకత్వం వహిస్తున్నాడు. రత్నవేలు సినిమాటోగ్రఫి, దేవిశ్రీప్రసాద్ సంగీతం అందిస్తున్నారు.

తాజాగా ఈ చిత్ర ఫస్ట్ లుక్ పోస్టర్ ను విడుదల చేసారు. ఇందులో రాజ్ తరుణ్ సరసన హేభ పటేల్ హీరోయిన్ గా నటిస్తుంది. పాట మినహా చిత్రీకరణ పూర్తయింది. బ్యాలెన్స్ పాటను త్వరలోనే చిత్రీకరించి అక్టోబర్‌ 30న దసరా కానుకగా ఈ చిత్రాన్ని ప్రేక్షకుల ముందుకు తీసుకురాబోతున్నారు.

రాజ్‌తరుణ్, హేభ పటేల్, నోయల్, నవీన్, సుదర్శన్ రెడ్డి, భాను, హేమ, కమల్, తాగుబోతు రమేష్, జోగిబ్రదర్స్, సత్య, కృష్ణ తదితరులు నటిస్తున్న ఈ చిత్రానికి సంగీతం: దేవిశ్రీప్రసాద్, సినిమాటోగ్రఫీ: రత్నవేలు, ఆర్ట్: బి.రామచంద్రసింగ్, ఎడిటర్: అమర్ రెడ్డి, ఫైట్స్: డ్రాగన్ ప్రకాష్, కొరియోగ్రఫీ: ప్రేమ్ రక్షిత్, శంకర్, నిక్సన్, సమర్పణ: సుకుమార్, నిర్మాతలు: విజయ్ ప్రసాద్ బండ్రెడ్డి, థామస్ రెడ్డి ఆదూరి,కథస్కీన్‌ప్లే-మాటలు: సుకుమార్, దర్శకత్వం: పల్నాటి సూర్య ప్రతాప్.