మహుష్ శ్రీమంతుడిపై కేటీఆర్ ప్రశంసల జల్లు

Posted: 08/13/2015 10:45 AM IST

కొరటాల శివ దర్శకత్వంలో టాలీవుడ్ ప్రిన్స్ మహేష్ బాబు, గోల్డెన్ హీరోయిన్ శృతిహాసన్ హీరోహీరోయిన్లుగా నటించిన ‘శ్రీమంతుడు’ చిత్రం అన్నిచోట్ల బ్లాక్ బస్టర్ హిట్ టాక్ తో దూసుకుపోతుంది. బాక్సాఫీస్ రికార్డులను బద్దలుకొడుతూ కలెక్షన్ల వర్షం కురిపిస్తుంది. ఈ చిత్రాన్ని మైత్రి మూవీ మేకర్స్‌, ఎం.బి.ఎంటర్‌టైన్‌మెంట్స్‌ ప్రై.లి. బ్యానర్స్‌ పై నిర్మాతలు నవీన్ ఎర్నేని, యలమంచిలి రవిశంకర్, మోహన్(సివిఎం) నిర్మించారు.

ఇప్పటికే ఈ సినిమాపై సినీప్రముఖులు, రాజకీయ నాయకులు ప్రశంసల వర్షం కురిపిస్తున్నారు. తాజాగా ఈ జాబితాలోకి తెలంగాణ ఐటీ మంత్రి కేటీఆర్ కూడా చేరిపోయారు. ఈ సినిమా గురించి కేటీఆర్ స్పందిస్తూ... శ్రీమంతుడు చిత్రం చాలా బాగుంది. గ్రామీణ అభివృద్ధి, సామాజిక భాధ్యత లాంటి అంశాలను ఈ సినిమా చూసి నేర్చుకోవాలి. గ్రేట్ జాబ్ మహేష్ అంటూ ట్వీట్ చేసారు. కేటీఆర్ ట్వీట్ కు మహేష్ స్పందిస్తూ ధన్యవాదాలు తెలియజేసారు.

జగపతిబాబు, రాజేంద్రప్రసాద్, సంపత్ తదితరులు ప్రధాన పాత్రలలో నటించారు. దేవిశ్రీప్రసాద్ సంగీతం అందించిన పాటలు బ్లాక్ బస్టర్ హిట్ గా నిలిచాయి. ఈ సినిమా కేవలం 5 రోజుల్లోనే 50 కోట్ల మార్క్ ను దాటేసింది. మరి ఇంకెన్నీ కోట్లు వసూలు చేయనుందో త్వరలోనే తెలియనుంది.