అపుడే 50కోట్లు బద్దలుకొట్టిన శ్రీమంతుడు

Posted: 08/10/2015 04:00 PM IST

Mahesh srimanthudu movie crosess 50 crores

టాలీవుడ్ సూపర్ స్టార్ కలెక్షన్ల మోత మోగిస్తున్నాడు. గత రెండేళ్లుగా వరుస ఫ్లాపులతో సతమతమవుతున్న మహేష్ బాబు... ఒక్క ‘శ్రీమంతుడు’ చిత్రంతో కలెక్షన్ల వర్షం కురిపిస్తున్నాడు. మహేష్ నటించిన ‘శ్రీమంతుడు’ చిత్రం ఈనెల 7వ తేదిన ప్రపంచ వ్యాప్తంగా విడుదలైన విషయం తెలిసిందే.

‘మిర్చి’ ఫేం కొరటాల శివ దర్శకత్వంలో తెరకెక్కిన ఈ చిత్రాన్ని మైత్రీ మూవీ మేకర్స్ సంస్థ భారీ బడ్జెట్ తో నిర్మించింది. మహేష్ సరసన తొలిసారిగా గోల్డెన్ లెగ్ బ్యూటీ శృతిహాసన్ హీరోయిన్ గా నటించింది. మ్యూజికల్ ఫ్యామిలీ యాక్షన్ ఎంటర్ టైనర్ గా రూపొందిన ఈ చిత్రానికి దేవిశ్రీప్రసాద్ సంగీతం అందించాడు.

ఈ సినిమా విడుదలైన మూడు రోజుల్లోనే 50కోట్లు కొల్లగొట్టేసింది. సినిమా మొదటిరోజు బెన్ఫిట్ షో నుంచి కూడా పాజిటివ్ టాక్ ను సొంతం చేసుకోవడంతో... భారీ బ్లాక్ హిట్టును సాధించింది. ముఖ్యంగా ఫ్యామిలీ సినిమాలను ఇష్టపడే ప్రేక్షకులు ఈ సినిమాను మరింతగా ఇష్టపడుతున్నారు. మరి ఈ సినిమా త్వరలోనే ఇంకెన్ని కోట్లు కొల్లగొట్టనుందో త్వరలోనే తెలియనుంది.