తమిళంలో ‘సెల్వాందన్’గా వస్తున్న శ్రీమంతుడు

Posted: 07/23/2015 04:35 PM IST

Mahesh babu srimanthudu as selvandhan in tamil

ప్రిన్స్ మహేష్ బాబు, శృతిహాసన్ జంటగా కొరటాల శివ దర్శకత్వంలో తెరకెక్కిన ‘శ్రీమంతుడు’ చిత్రం విడుదలకు సిద్ధమయ్యింది. ఈ చిత్రాన్ని మైత్రి మూవీమేకర్స్‌, ఎం.బి. ఎంటర్‌టైన్‌మెంట్‌ ప్రై.లి. బ్యానర్స్‌పై నిర్మాతలు నవీన్‌ యెర్నేని, వై. రవిశంకర్‌, మోహన్‌ సంయుక్తంగా నిర్మించారు.

దేవిశ్రీప్రసాద్ సంగీతం అందించిన ఈ చిత్ర ఆడియో ఇటీవలే విడుదలై మంచి టాక్ ను సొంతం చేసుకుంది. అలాగే థియేటర్ ట్రైలర్ కు కూడా భారీ రెస్పాన్స్ వస్తోంది. ఈ చిత్రాన్ని ఆగష్టు 7వ తేదిన ప్రపంచ వ్యాప్తంగా విడుదల చేయనున్న విషయం తెలిసిందే. ఈ చిత్రాన్ని తమిళంలో కూడా ఆగష్టు 7వ తేదిన విడుదల చేయనున్నారు.

తమిళంలో ఈ చిత్రాన్ని ‘సెల్వాందన్’ పేరుతో విడుదల చేయనున్నారు. తమిళ వర్షెన్ కు డబ్బింగ్ పనులు కూడా శరవేగంగా జరుగుతున్నాయి. మరికొద్ది రోజుల్లోనే తమిళ వర్షెన్ కు సంబంధించిన ట్రైలర్, పాటలు విడుదల చేయనున్నారు. అన్ని వివరాలను త్వరలోనే చిత్ర యూనిట్ అధికారికంగా ప్రకటించనున్నారు.