లీకైన మహేష్ శ్రీమంతుడు యాక్షన్ స్టంట్

Posted: 07/13/2015 01:08 PM IST

టాలీవుడ్ ప్రిన్స్ మహేష్ బాబు హీరోగా నటిస్తున్న ‘శ్రీమంతుడు’ చిత్రానికి లీకేజీల బెడద చాలా ఎక్కువయ్యింది. ఈ సినిమా ప్రారంభమైన కొన్ని రోజుల తర్వాత షూటింగ్ స్పాట్ లో వున్న కొన్ని ఫోటోలు లీక్ అయ్యాయి. దీంతో చిత్ర యూనిట్ చాలా జాగ్రత్తలు తీసుకున్నారు. అయితే తాజాగా ఓ ఫైట్ సీన్ లీక్ అయ్యింది.

విలన్ ను మహేష్ జంప్ చేసి కొట్టే సీన్ ప్రస్తుతం సోషల్ మీడియాలో తెగ హల్చల్ చేస్తుంది. ఈ వీడియోకు మంచి స్పందన వస్తున్నప్పటికీ.. ఇలా సినిమా థియేటర్ ట్రైలర్ కూడా విడుదల కాకముందే లీకేజ్ లు మొదలయ్యి, చిత్ర యూనిట్ ను కంగారుపెడుతోంది.

‘మిర్చి’ తర్వాత కొరటాల శివ దర్శకత్వంలో తెరకెక్కుతున్న ఈ చిత్రంలో మహేష్ సరసన శృతిహాసన్ హీరోయిన్ గా నటిస్తుంది. యువ సంగీత దర్శకుడు దేవిశ్రీప్రసాద్ సంగీతం అందిస్తున్న ఈ చిత్ర ఆడియోను ఈనెల 18న గ్రాండ్ గా హైదరాబాద్ లోని శిల్పకళావేదికలో విడుదల చేయనున్నారు.

ఇందులో జగపతి బాబు, సుకన్య, రాహుల్ రవీంద్రన్ తదితరులు ముఖ్య పాత్రల్లో నటిస్తున్నారు. భారీ అంచనాలతో తెరకెక్కుతున్న ఈ చిత్రాన్ని మైత్రి మూవీస్ బ్యానర్ భారీ బడ్జెట్ తో నిర్మిస్తుంది. ఈ చిత్రాన్ని ఆగష్టు 7వ తేదిన ప్రపంచ వ్యాప్తంగా భారీ ఎత్తున విడుదల చేయడానికి చిత్ర నిర్మాతలు సన్నాహాలు చేస్తున్నారు.