సెన్సార్ పూర్తిచేసుకున్న అల్లరోడి జేమ్స్ బాండ్

Posted: 06/24/2015 09:59 AM IST

‘బందిపోటు’ చిత్రం తర్వాత అల్లరి నరేష్ హీరోగా నటిస్తున్న తాజా చిత్రం ‘జేమ్స్‌ బాండ్’. ‘నేను కాదు నా పెళ్లాం’అనేది ట్యాగ్ లైన్. ఏకే ఎంటర్‌టైన్‌మెంట్స్ పతాకంపై అనిల్ సుంకర ఈ సినిమాను నిర్మిస్తున్న ఈ సినిమా ద్వారా సాయి కిషోర్ దర్శకుడిగా పరిచయం కానున్నారు.

ఇప్పటికే విడుదలైన ఈ చిత్ర ట్రైలర్, పాటలు మంచి టాక్ ను సొంతం చేసుకున్నాయి. కామెడీ ఎంటర్ టైనర్ గా రూపొందుతున్న ఈ చిత్రంలో అల్లరి నరేష్ సరసన సాక్షి చౌదరి హీరోయిన్ గా నటించింది. ఇందులో సాక్షి యాక్షన్ భామగా నటించినట్లుగా కనిపిస్తోంది.

తాజాగా ఈ చిత్రం సెన్సార్ కార్యక్రమాలను పూర్తి చేసుకుంది. ఈ చిత్రానికి సెన్సార్ వారు U/A సర్టిఫికెట్ ను అందజేసారు. ఈ చిత్రాన్ని జూన్ 26న విడుదల చేయాలని అనుకున్నారు. కానీ అదే రోజున మరో మూడు చిత్రాలు విడుదలవుతుండటంతో ఈ చిత్రాన్ని వాయిదా వేసినట్లుగా తెలిసింది. ఈ చిత్ర విడుదల తేదిని త్వరలోనే అధికారికంగా ప్రకటించనున్నారు.