విజయ్ జిల్లా తెలుగు పాటలు, ట్రైలర్ విడుదల

Posted: 06/22/2015 10:34 AM IST

విజయ్, మోహన్ లాల్ ప్రధాన పాత్రలలో తమిళంలో ఘనవిజయం సాధించిన ‘జిల్లా’ చిత్రాన్ని తెలుగులో అదే పేరుతో విడుదల చేస్తున్నారు. ఈ చిత్రంలో కాజల్ అగర్వాల్ హీరోయిన్ గా నటించింది. ఈ చిత్రం తమిళంలో భారీ విజయాన్ని సొంతం చేసుకొని, కలెక్షన్ల వర్షం కురిపించింది.

అయితే ఈ చిత్రాన్ని తెలుగులోకి అనువదించాలని గతకొద్ది రోజులుగా ప్రయత్నాలు చేస్తున్నారు. కానీ వాయిదా పడుతూ వస్తోంది. ఎట్టకేలకు తెలుగు వర్షెన్ సిద్ధమవుతోంది. తాజాగా ఈ చిత్ర ఆడియో విడుదల కార్యక్రమాన్ని హైదరాబాద్ లో జరిపారు. తెలుగులో సూపర్ గుడ్ ఫిలిమ్స్ బ్యానర్లో ఆర్.బి.చౌదరి అందిస్తున్నారు.

మరి పాటలతో పాటుగా ఈ చిత్ర థియేటర్ ట్రైలర్ ను కూడా విడుదల చేసారు. మరి ఈ సినిమా తెలుగులో ఎలాంటి విజయం సాధించనుందో చూడాలి. ఈ చిత్రానికి సంబంధించిన మరిన్ని వివరాలు త్వరలోనే అధికారికంగా ప్రకటించనున్నారు.