బాలీవుడ్ కో డైరెర్టర్ పై లైంగిక వేధింపుల కేసు, అరెస్టు

Posted: 06/21/2015 07:48 PM IST

Peepli live co director arrested on rape charges

కామెడితో పాటు ఆత్మహత్యలు ప్రధనాంగా చేసుకుని వచ్చిన పీప్లీ లైవ్ చిత్రానికి కో డైరెక్టర్ గా వ్యవహరించిన మహ్మద్ ఫారుకీని పోలీసులు అరెస్టు చేశారు. అమెరికా మహిళపై అత్యాచారం ఆరోపణలతో మహ్మద్ ఫారూఖీ‌ని అదుపులోకి తీసుకున్న పోలీసులు రిమాండ్ కు తరలించారు. ఈ ఏడాది మార్చి 28న ఓ అమెరికా జాతీయురాలిపై లైంగిక దాడికి పాల్పడినట్టు ఆరోపణలు వచ్చాయి. ఈ నేపథ్యంలో విచారణ జరిపిన పోలీసులు ఆయనపై జూన్ 19న కేసు నమోదు చేసినట్లు వెల్లడించారు.

రైతుల ఆత్మహత్యలను ప్రస్తావిస్తూ నిర్మించిన ఈ వ్యంగ్య చిత్రానికి అమీర్ ఖాన్ సహ నిర్మాతగా వ్యవహరించారు. కాగా, కొలంబియా యూనివర్శిటీలో పీహెచ్‌డీ చేస్తున్న సదరు అమెరికా మహిళ భారత్ వచ్చిన సమయంలో ఆమెపై ఫారూఖీ లైంగిక దాడికి పాల్పడినట్టు ఆరోపణలు వచ్చాయి. ఈ కేసులో అరెస్టు చేసిన ఫారూఖీని న్యాయస్థానంలో హాజరుపర్చగా, జూలై 6 వరకు జ్యుడీషియల్ రిమాండ్ విధించారు. ఈ సంఘటన బాలీవుడ్‌లో కలకలం రేపింది.

జి మనోహర్