సంపూ సింగం123 ట్రైలర్ సిరిగిపోయింది

Posted: 05/12/2015 09:48 AM IST

బర్నింగ్ స్టార్ సంపూర్ణేష్ బాబు నటిస్తున్న ‘సింగం123’ సంచలనం సృష్టిస్తోంది. సంపూ నటిస్తున్న ‘సింగం123’ ట్రైలర్ ఇప్పటికే విడుదలై భారీ స్పందన దక్కించుకుంది. అయితే తాజాగా థియేటర్ ట్రైలర్ ను విడుదల చేసారు. ఈ ట్రైలర్ ప్రస్తుతం దుమ్ముధులిపేస్తుంది.

పవర్ ఫుల్ పోలీస్ ఆఫీసర్ పాత్రలో సంపూ ఇరగదీస్తున్నాడు. సంపూ తనదైన శైలిలో భారీ పవర్ డైలాగులతో పిచ్చెక్కించేస్తున్నాడు. అక్షత్ అజయ్ శర్మ దర్శకత్వంలో తెరకెక్కుతున్న ఈ చిత్ర ఆడియో ఇటీవలే విడుదలయ్యింది. భారీ క్రేజ్ ను సొంతం చేసుకుంటున్న ఈ చిత్రం ఎలాంటి విజయం సాధించనుందో చూడాలి.

కలెక్షన్ కింగ్ డా.మోహన్ బాబు సమర్పణలో 24 ఫ్రేమ్స్ ఫ్యాక్టరీ బ్యానర్ పై మంచు విష్ణు ఈ చిత్రాన్ని నిర్మిస్తున్నారు. కేవలం నిర్మాతగానే కాకుండా కథ, స్ర్కీన్ ప్లేను కూడా మంచు విష్ణు అందిస్తున్నాడు. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు. తాజాగా విడుదలైన ట్రైలర్ మీకోసం అందిస్తున్నాం. మీరు ఓ లుక్కేయండి.