రమ్యకృష్ణ శివగామి లుక్ అచ్చం నీలాంబరిలాగే వుంది!

Posted: 05/08/2015 04:39 PM IST

Ramya krishna sivagami first look poster released

ప్రముఖ దర్శకుడు ఎస్.ఎస్.రాజమౌళి దర్శకత్వంలో ప్రతిష్టాత్మకంగా తెరకెక్కుతున్న భారీ బడ్జెట్ చిత్రం ‘బాహుబలి’. ప్రభాస్, రానా, అనుష్క, తమన్నా ప్రధాన పాత్రలలో నటిస్తున్న ఈ చిత్రంలో రమ్యకృష్ణ, నాజర్, సత్యరాజ్ లు కీలక పాత్రలలో నటిస్తున్నారు. ఇందులోని రమ్యకృష్ణ శివగమి పాత్ర ఫస్ట్ లుక్ పోస్టర్ విడుదలయ్యింది.

ఇప్పటికే ప్రభాస్, రానా, అనుష్క, తమన్నాల ఫస్ట్ లుక్ పోస్టర్లను విడుదల చేసారు. అయితే తాజాగా ఈ సినిమాలో ‘శివగమి’ పాత్రలో నటించిన రమ్యకృష్ణ ఫస్ట్ లుక్ పోస్టర్ ను విడుదల చేసారు. ఈ లుక్ లో రమ్యకృష్ణ చాలా బాగుంది. ఈ పోస్టర్ ను చూస్తుంటే గతంలో రమ్యకృష్ణ నటించిన ‘నరసింహా’ సినిమా గుర్తొస్తుంది. ‘నరసింహా’ సినిమాలోని సెకండ్ హాఫ్ లో రజనీకాంత్ పై ప్రతీకారం తీర్చుకునే నీలాంబరి పాత్ర వలే... ఈ శివగమి పోస్టర్ కూడా అలాగే అనిపిస్తుంది. మరి సినిమాలో రమ్యకృష్ణ పాత్ర ఎలా వుండనుందో త్వరలోనే తెలియనుంది.

భారీ అంచనాలతో తెరకెక్కుతున్న ఈ చిత్రంపై రోజురోజుకి అంచనాలు తారాస్థాయికి చేరుతున్నాయి. ఇప్పటికే విడుదలైన పోస్టర్లు, మేకింగ్ వీడియోలకు భారీ క్రేజ్ వచ్చింది. ఈ చిత్ర థియేటర్ ట్రైలర్ ను మే 31వ తేదిన విడుదల చేయనున్నారు. ఈ చిత్రాన్ని జులై 10న ప్రపంచ వ్యాప్తంగా తెలుగు, తమిళ, హిందీ భాషలలో భారీ ఎత్తున విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.

Ramya-krishna-Sivagami-Firs