శ్రీవిష్ణుతో నారారోహిత్ అప్పట్లో ఒకడుండేవాడు

Posted: 05/09/2015 10:00 AM IST

Nara rohith latest movie appatlo okadundevadu

ఇటీవలే ‘రౌడీఫెలో’ సినిమాతో మంచి హిట్టును దక్కించుకున్న నారా రోహిత్ తాజాగా ఓ మల్టీస్టారర్ చిత్రం చేయడానికి సిద్ధమయ్యాడు. ‘ప్రేమ...ఇష్క్..కాదల్’ సినిమాలో ‘రాయల్ రాజు’గా పాత్రలో నటించి, తన నటనతో మెప్పించిన నటుడు శ్రీవిష్ణు.

వీరిద్దరూ హీరోలుగా నటిస్తున్నారు. ‘అయ్యారే’ చిత్రంతో విమర్శకుల ప్రశంసలు అందుకున్న సాగర్‌.కె. చంద్ర ఈ చిత్రానికి దర్శకత్వం వహిస్తున్నారు. 1992-1996 సంవత్సరాల మధ్య ఇద్దరు యువకుల జీవితాల్లో జరిగిన యదార్థ సంఘటనల ఆధారంగా ఈ చిత్రం తెరకెక్కనుంది.

ఈ భారీ యాక్షన్‌ ఎంటర్‌టైనర్‌ను వశిష్ట మూవీస్ బ్యానర్‌పై నూతన నిర్మాతలు హరి, సన్నీరాజు లు సంయుక్తంగా నిర్మిస్తున్నారు. జూన్‌ మొదటివారం నుంచి ఈ చిత్రం రెగ్యులర్ షూటింగ్ ప్రారంభంకానుంది. త్వరలోనే అన్ని వివరాలు అధికారికంగా ప్రకటించనున్నారు.