అడ్డంకులు దాటుకొని ఉత్తమ విలన్ విడుదల

Posted: 05/02/2015 03:48 PM IST

కమల్ హాసన్ హీరోగా నటించిన ‘ఉత్తమ విలన్’ చిత్రం మే 1న ప్రపంచ వ్యాప్తంగా విడుదల అవ్వాల్సింది. కానీ ఫైనాన్సియల్ సమస్యలు ఈ చిత్ర విడుదలను అడ్డుకున్న విషయం తెలిసిందే. దీంతో ఈ చిత్రం ఎప్పుడు విడుదలవుతుందా అని అభిమానులు ఎంతో ఆతృతగా ఎదురుచూస్తున్నారు.

‘ఉత్తమ విలన్’ చిత్రానికి వున్న అడ్డంకులు పూర్తిగా తొలగిపోయినట్లుగా తెలిసింది. ఎట్టకేలకు ఈ చిత్రాన్ని మధ్యాహ్నం ఆటతో తమిళంలో ప్రారంభించారు. ప్రముఖ తమిళ సినీ నిర్మాణ సంస్థ స్టూడియో గ్రీన్ మరియు యూవీ ప్రొడక్షన్స్ ఈ సినిమాను విడుదల చేసేందుకు సిద్ధమైనట్లు ప్రకటించాయి.

తెలుగులో ఈరోజు సాయంత్రం నుంచి ‘ఉత్తమ విలన్’ సినిమా ప్రదర్శించబడనుందని సమాచారం. మరి ఈ అనుకోని విడుదలకు కలెక్షన్లు వస్తాయో లేదో చూడాలి. రమేష్ అరవింద్ దర్శకత్వంలో తెరకెక్కిన ఈ చిత్రానికి గిబ్రాన్ సంగీతం అందించాడు. ఆండ్రియా, పూజా కుమార్ లు హీరోయిన్లుగా నటించారు.