యాక్షన్ లో దుమ్ముధులిపేస్తున్న శ్రీమంతుడు

Posted: 03/24/2015 10:33 AM IST

Mahesh babu srimanthudu shooting updates

ప్రస్తుతం మహేష్ బాబు హీరోగా కొరటాల శివ దర్శకత్వంలో ఓ చిత్రం తెరకెక్కుతున్న విషయం తెలిసిందే. ఈ చిత్రానికి ‘శ్రీమంతుడు’ అనే టైటిల్ ను పరిశీలిస్తున్నారు. దేవిశ్రీప్రసాద్ సంగీతం అందిస్తున్నాడు.

‘మిర్చి’ వంటి బ్లాక్ బస్టర్ హిట్ చిత్రం తర్వాత కొరటాల శివ దర్శకత్వంలో తెరకెక్కుతున్న ఈ చిత్రంపై భారీ అంచనాలే నెలకొన్నాయి. ప్రస్తుతం ఈ చిత్ర షూటింగ్ శరవేగంగా జరుగుతోంది. ప్రస్తుతం హైదరాబాద్ పరిసర ప్రాంతాలు మరియు రామోజీ ఫిల్మ్ సిటీలో షూటింగ్ జరుగుతోంది. తాజాగా మహేష్ పై ఓ భారీ యాక్షన్ ఎపిసోడ్ ను చిత్రీకరిస్తున్నారు. అనల్ అరసు నేతృత్వంలో చిత్రీకరిస్తున్నారు.

ఇందులో మహేష్ సరసన శృతిహాసన్ హీరోయిన్ గా నటిస్తుంది. ఈ చిత్ర షూటింగ్ పూర్తవ్వకముందే రిలీజ్ డేట్ ను చిత్ర యూనిట్ ప్రకటించింది. జులై 17న ఈ చిత్రాన్ని ప్రపంచ వ్యాప్తంగా విడుదల చేయడానికి సన్నాహాలు చేస్తున్నారు. ‘క్లాసిక్స్ ఎంటర్ టైన్ మెంట్’ సంస్థ భారీ రేటుకు ఈ చిత్ర ఓవర్సీస్ హక్కులను సొంతం చేసుకుంది.

జగపతిబాబు, సుకన్య, రాజేంద్రప్రసాద్, కమెడియన్ ఆలీ, వెన్నెల కిషోర్, తులసి, సితార తదితరులు నటిస్తున్నారు. ఇక ‘ఆగడు’ చిత్రంతో డిజాస్టర్ చవిచూసిన మహేష్ అభిమానులు మాత్రం ఈ చిత్రం తప్పకుండా విజయం సాధిస్తుందని భావిస్తున్నారు. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.