‘దైవ దూత’పై పోరాడుతున్న సెన్సార్

Posted: 01/17/2015 12:55 PM IST

రియల్ లైఫ్ లో ఎన్నో వివాదాలు ఉన్న బాబాకు రీల్ లైఫ్ లో కూడా ఇబ్బందులు తప్పటం లేదు. గుర్మీత్ రామ్ రహీమ్ సింగ్ హీరోగా నటించిన ‘ మెస్సెంజర్ ఆఫ్ గాడ్’ సినిమాపై వివాదం కొనసాగుతోంది. ఈ మూవీపై నిర్ణయానికి వ్యతిరేకంగా సెన్సార్ బోర్డు సభ్యులు వరుసగా రాజీనామాలు చేస్తున్నారు. సినిమాకు సర్టిఫికెట్ క్లియరెన్స్ విషయంలో జరిగిన ఘటనలతో ముందుగా చైర్మన్ లాలా రాజీనామా చేయగా.., శనివారం 9 మంది బోర్డు సభ్యులు కూడా రాజీనామాలు సమర్పించారు. కేంద్ర సమాచార, ప్రసారాల శాఖకు రాజీనామా లేఖలు పంపారు.

గుర్మీత్ సింగ్ నటించిన ‘మెస్సెంజర్ ఆఫ్ గాడ్’ సినిమాపై ఏ నిర్ణయం తీసుకోలేకపోవటంతో చైర్మన్ మనస్తాపం చెందారు. సినిమాకు జడ్జిమెంట్ ఇచ్చే అధికారం ఉన్న బోర్డు విషయాల్లో ఇతరులు జోక్యం చేసుకోవటంతో ఈ మూవీని సెన్సార్ బోర్డు ఏమి చేయలేకపోయింది. దీంతో వృత్తికి అన్యాయం చేయలేక పదవికి రాజీనామా చేస్తున్నట్లు లీలా శాంసన్ ప్రకటించింది. అటు సభ్యులు కూడా ఈ విషయాన్ని అంగీకరిస్తున్నారు. సమాచార శాఖ నుంచి తమకు సరైన సహకారం ఉంటే పరిస్థితి ఇలా ఉండేది కాదు అని వాపోతున్నారు. చివరకు ఈ సినిమా వివాదం ఎటు దారి తీస్తుందో చూడాలి.