‘అవును’.. బీ గ్రేడ్ తార మహీతో జతకడుతోంది!

Posted: 01/09/2015 10:23 AM IST

Actress poorna mahesh babu special song director koratala siva movie news

‘అవును’ చిత్రం ద్వారా సినీఇండస్ట్రీలో ఓ ప్రత్యేక గుర్తింపు క్రియేట్ చేసుకున్న నటి పూర్ణ స్థాయి రానురాను పైకి ఎగబాకుతున్నట్లు కనిపిస్తోంది. నిన్నమొన్నటివరకు కేవలం బీ-గ్రేడ్ హీరోలతో మాత్రమే చిత్రాలు చేసుకుంటూ కాలం గడిపిన ఈ నటి.. ఇప్పుడు ఏకంగా టాలీవుడ్ ప్రిన్స్ మహేష్’బాబుతో జతకట్టే భారీ అవకాశాన్ని సొంతం చేసుకుంది. ఆయనతో కలిసి ఈ అమ్మడు స్టెప్పులేయడంతోబాటు తన అందచందాలను ప్రేక్షకులకు చూపించనుందని సమాచారం!

దర్శకుడు కొరటాల శివ, మహేష్’బాబు కాంబోలో ఓ చిత్రం రూపొందబోతున్న విషయం తెలిసిందే! ఆ చిత్రంలోనే పూర్ణ ఓ ప్రత్యేక పాటలో నృత్యించనుంది. ప్రస్తుతం ఈ పాటను హైదరాబాద్ సమీపంలోని రామోజీ ఫిలింసిటీలో వేసిన టెంపుల్ సెట్స్’లో చిత్రీకరిస్తున్నట్లు సమాచారం. ఈ పాట ట్యూన్స్ సరికొత్తగా వుంటాయని.. ప్రేక్షకులను అందరూ ఆకట్టుకునే విధంగా వుంటాయని యూనిట్ వర్గాలు చెబుతున్నాయి. పైగా.. ఫ్యామిలీ ఆడియెన్స్’ని దృష్టిలో పెట్టుకునే పూర్ణను తీసుకున్నట్లు చెబుతున్నారు.

ఇదిలావుండగా.. ఈ అవకాశం వచ్చినందుకు ఈ మల్లూ తార చాలా హ్యాపీగా వుందని చెబుతోంది. తాను క్లాసికల్ డ్యాన్సర్ కావడంతో ఈ పాటకోసం ఈ మూవీ యూనిట్ తనను కాంటాక్ట్ చేసిందని చెబుతున్న ఈ అమ్మడు.. మహేష్’తో కలిసి పనిచేయడం తాను లక్కీగా ఫీల్ అవుతోంది. ఇక.. ఈ చిత్రంలో శృతిహాసన్ హీరోయిన్’గా నటిస్తోంది. ఈ చిత్రానికి ఇంకా టైటిల్ ఖరారు కాలేదుగానీ.. వర్కింగ్ టైటిల్’గా ‘శ్రీమంతుడు’ అని పెట్టారు. అయితే ఇదింకా అధికారికంగా ప్రకటన చేయాలేదు.