బీజేపీ పార్టీ అధికారంలోకి వచ్చినప్పటినుంచి సూపర్ స్టార్ రజనీకాంత్ రాజకీయాల్లోకి వస్తారనే వార్తలు ఎక్కువగానే పెరిగిపోయాయి. మొన్నజరిగిన సార్వత్రిక ఎన్నికలముందు నరేంద్రమోదీ ఆయన్ను కలవడం.. అలాగే ఎన్నికల ముగిసిన కొన్నాళ్ల తర్వాత బీజేపీ పార్టీ జాతీయ అధ్యక్షుడు అమిత్ షా కూడా రజనీని కలవడం.. ఇంకా తమిళనాటలో వున్న బీజేపీ నాయకులు సైతం రజనీ రాజకీయ వ్యవహారాల గురించి మాట్లాడటం.. లాంటి విషయాలతో ఆయన ఇక రాజకీయాల్లోకి రావడం ఖాయమనే ఊహాగానాలు వచ్చేశాయి. అయితే ఆ విషయమై రజనీకాంత్ ఎప్పుడూ పెదవి విప్పలేదు కానీ.. తాజాగా ‘లింగా’ మూవీ ఆడియో ఆవిష్కరణ నేపథ్యంలో తన రాజకీయ అనుభవం గురించి అందరితో పంచుకున్నారు.
‘‘పరిస్థితులే నన్ను ఒక సాధారణ స్థాయి నుంచి నేడు ఇంతగా ఎదిగేలా చేశాయి. నాకు రాజకీయాలంటే భయంలేదు. వాటి గురించి అన్ని విషయాలు నాకు తెలుసు. అంతులో లోతెంతో కూడా అర్థం చేసుకోగలను. ఎంత ధైర్యం కావాలో తెలుసు. చాలామందిని అందులో దాటుకుని వెళ్లాల్సి వుంటుంది. ఇంతవరకు బాగానే వుందికానీ.. ఇవన్నీ సాధించిన తర్వాత ప్రజలకు మంచి చేయగలమా..? అనే ఆలోచనతోనే కాస్త వెనకడుగు వేస్తున్నా! ఏదేమైనా ఆ దేవుడు ఆదేశిస్తే నేను రాజకీయాల్లోకి వచ్చేందుకు సిద్ధంగానే వున్నాను. అది ఎప్పుడైనా, ఎలాగైనా జరగొచ్చు’’ అని సూపర్ స్టార్ రజనీకాంత్ స్పష్టంగా పేర్కొన్నారు.
ఇదిలావుండగా.. రజనీకాంత్ హీరోగా కేఎస్ రవికుమార్ దర్శకత్వంలో వస్తున్న ‘‘లింగా’’ సినిమాలో అనుష్క, సోనాక్షి సిన్హాలు హీరోయిన్లుగా నటిస్తున్నారు. ఏఆర్ రెహమాన్ సంగీతం అందించిన ఈ చిత్రాన్ని రాక్ లైన్ వెంకటేశ్ నిర్మించారు. గతంలో కొచ్చాడయాన్ సినిమాలో రజనీకాంత్ రియల్ గా కనిపించకపోవడంతోపాటు ఆ సినిమా ఘోరంగా పరాజయం పాలయిన నేపథ్యంలో ఈ సినిమాను కేవలం ఆరునెలల్లోనే ముగించేసి, డిసెంబర్ లో విడుదల చేయాలని సన్నాహాలు చేస్తున్నారు. ఈ మూవీ ఆడియో వేడుకకు జగపతిబాబు, దర్శకుడు శంకర్, ఆమీర్, కిచ్చా సుదీప్ తదితరులు పాల్గొన్నారు. ‘రోబో’ కంటే ఎక్కువ కలెక్షన్లను ‘లింగా’ మూవీ సాధిస్తుందని దర్శకనిర్మాతలు పూర్తి నమ్మకంతో వున్నారు.
AS
(And get your daily news straight to your inbox)
Oct 08 | పాన్ ఇండియా స్టార్ ప్రభాస్ బాహుబలి సిరీస్ చిత్రాల తరువాత అలాంటి హిట్ ఇప్పటివరకు అందుకోకపోవడం ఆయన అభిమానుల్లో కలవరాన్ని రాజేస్తోంది. సాహో కలెక్షన్ల పరంగా ఫర్వాలేదని అనిపించినా.. ఆ తరువాత వచ్చిన రాధేశ్యామ్... Read more
Oct 08 | టాలీవుడ్ స్టార్ కమెడియన్ వెన్నెల కిశోర్ తెలుగు సినీపరిశ్రమలో తన జోరు చూపుతున్నాడు. తెలుగు చిత్రపరిశ్రమకు పరిచయమైన సీనియర్ కమేడియన్ అయినా.. ఇప్పటికీ యంగ్ లుక్ తో మంచి టైమింగ్, హావభావాల ప్రకటనలతో రాణిస్తున్నాడు.... Read more
Oct 08 | మెగాస్టార్ చిరంజీవి ప్రధానపాత్రలో తెరకెక్కిన 'గాడ్ ఫాదర్' చిత్రం ఈ నెల 5న విడుదలై విజయవంతంగా ప్రదర్శితమవుతోంది. ఈ సినిమాలో బాలీవుడ్ సూపర్ స్టార్ సల్మాన్ ఖాన్ 'మసూద్ భాయ్' అనే పవర్ ఫుల్... Read more
Oct 08 | ప్రముఖ దర్శకుడు మణిరత్నం మానసపుత్రిక అయిన పోన్నియన్ సెల్వన్ ప్రాజెక్టును ఎట్టకేలకు ఆయన తెరకెక్కించిన విషయం తెలిసిందే. అయితే రెండు భాగాలుగా ఈ చిత్రం రూపొందుతున్న విషయం తెలిసిందే. అయితే ఈ చిత్రం తొలిభాగం... Read more
Oct 08 | తమిళంలో హిట్ అయిన చిత్రాలు రీమేక్ గా తెలుగులో తెరకెక్కి హిట్ సాధించడం సాధరణంగా మారిపోయింది. ఈ క్రమంలో మొదటి నుంచి విభిన్నమైన కథలను .. విలక్షణమైన పాత్రలను ఎంచుకుంటూ.. నటిస్తున్న యంగ్ హీరో... Read more