రామ్ గోపాల్ వర్మ ఏది చేసినా ఓ కాంట్రవర్సీ.., లేదా ఓ సంచలనం అనేది తప్పకుండా ఉంటుంది. రచ్చ లేకపోతే రాము ఎలా అవుతాడు అనుకునేలా చేస్తున్నాడు ఈ మద్య. తాజాగా తెరకెక్కిస్తున్న ‘శ్రీదేవి’ సినిమా కూడా ఇలానే వివాదాలమయం అవుతుంది. సినిమా విడుదల కాకముందే వద్దు బాబోయ్ అంటూ మహిళా సంఘాలు, బాలల హక్కుల కార్యకర్తలు రోడ్లపైకి వస్తున్నారు. ఇలాంటి సినిమాల వల్ల యువత చెడిపోతుంది అని ఆందోళన వ్యక్తం చేస్తున్నారు. ఎవరిపై అయినా నిర్మొహమాటంగా కామెంట్లు చేసే రామ్ గోపాల్ వర్మ.., వీరిపై కూడ తన అసహనం వ్యక్తం చేశాడు. సోషల్ మీడియా వేదికగా తాను చెప్పాలనుకున్నది చెప్పేశాడు.
గత వారం రోజులుగా వస్తున్న విమర్శలపై వర్మ ఫేస్ బుక్ లో శుక్రవారం రోజు స్పందించాడు. వర్మ ఫేస్ బుక్ కామెంట్లో ఏమన్నాడంటే ‘‘శ్రీదేవి’ సినిమా టీచర్ - స్టూడెంట్ మద్య కధతో తీస్తున్న సినిమా కాదు అని మరోసారి వివరణ ఇస్తున్నా. సినిమా కధ ఏమిటి అనేది చెప్పడానికి సింపుల్ గా ఉంటుందని టీనేజిలో ఉన్నపుడు నేను సరస్వతి అనే టీచర్ ను చూసి ఎలా ఫీల్ అయ్యేవాడినో చెప్పానంతే. అంతమాత్రానికే సినిమా పోస్టర్ లో కన్పించే మహిళను టీచర్ గా.., అబ్బాయిని స్టూడెంట్ గా ఊహించుకుంటే ఏమనాలి. మీరేదో ఊహించుకుని ఆందోళనలు చేపడితే అంతకంటే అమాయకత్వం మరొకటి ఉండదు. కధ టీచర్ కు సంబంధించినది కాదు అని చెప్పాక కూడా అర్దం చేసుకోలేకపోవటాన్ని ఏ నిరక్షరాస్యత అంటారో మరి.
ముందు నన్ను సినిమా తీయనివ్వండి.., కధలో, సన్నివేశాల్లో నిజంగా అభ్యంతరాలు ఉంటే వాటిని కత్తిరించటానికి సెన్సార్ బోర్డు ఉంది. సినిమా తీయకముందే సెన్సార్ బోర్డు చేసే పనులు మీరే చేసేస్తే ఇంక అది ఎందుకు. కధ సులువుగా అందరికి అర్ధం అవుతుంది అనే ఉద్దేశ్యంతో.. సరస్వతి టీచర్ ను నేను అలా చూసేవాడిని.. అని చెప్తే అదే కధ అని ఊహించేసుకుంటున్నారు. అది తప్పు మరొకసారి చెప్తున్నా కధకు టీచర్ కు సంబంధం లేదు. కావాలంటే సినిమా కధ ఏమిటో మరోసారి మీకోసం అందిస్తున్నా ఇప్పటికైనా తెలుసుకోండి.
‘శ్రీదేవి’ కధ
కధలో ఉండే యుక్తవయస్సులోని అబ్బాయికి ఇంటి పక్కనే ఉండే ఓ మహిళపై ఆకర్షణ ఉంటుంది. ఆ మహిళ సాధారణ గృహిణి, ఆమె భర్త బిజినెస్ మెన్. ఇంటి పక్కన ఉండే ఆ ఆంటిపై అబ్బాయికి వచ్చే ఆలోచనలు, ఆమెను చూసే పద్దతులు ఇవి మాత్రమే సినిమాలో చూపించటం జరుగుతుంది. అంతేకాకుండా యుక్త వయస్సులో అబ్బాయిలను ప్రభావితం చేసే విషయాలు, స్నేహితుల మాటలు, టీవీ ప్రకటనలు, మారిన జీవిన పరిణామాలు, సమాజంలోని పరిస్థితులు ఏమిటి అనే కోణంతో సినిమా కధ ఉంటుంది.
ముందుగా సావిత్రి అని ఆ తర్వాత పలు కారణాలతో సినిమా పేరును ‘శ్రీదేవి’ అని వర్మ మార్చేశాడు. అయినా సరే వర్మ సినిమాపై మాత్రం వివాదాలు ఆగటం లేదు. దీంతో ఫేస్ బుక్ లోని తన పేజిలో మరోసారి వివరణ ఇచ్చేశాడు. మీ ఇష్టం వచ్చినట్లు అనుకుంటే నాకు సంబంధం లేదు అని ఘాటుగా కౌంటర్ ఇచ్చాడు. అంతేకాదు ఈ సరస్వతి టీచర్ గురించి కొద్దిరోజుల క్రితం తన భార్యకు చెప్తే.., ఆమె అర్ధం చేసుకుందట. యుక్త వయస్సులో తనకు కలిగిన భావాలు, అప్పుడు ఉండే ఆలోచనలు ఎలా ఉంటాయో తెలిసిన వ్యక్తిగా ఏమి అనలేదు అని చెప్పాడు. అన్ని తెలిసిన వ్యక్తులే సైలెంట్ గా ఉన్నపుడు... ఏమి తెలియని వారు ఎందుకు ఇలా చేస్తున్నారో అర్ధం కావటం లేదు అంటూ స్పందించాడు. ఇలాంటి వారి వల్లే తనకు సమస్యలు వస్తున్నాయి అని వర్మ చివరగా వాపోయాడు.
కార్తిక్
(And get your daily news straight to your inbox)
Oct 08 | పాన్ ఇండియా స్టార్ ప్రభాస్ బాహుబలి సిరీస్ చిత్రాల తరువాత అలాంటి హిట్ ఇప్పటివరకు అందుకోకపోవడం ఆయన అభిమానుల్లో కలవరాన్ని రాజేస్తోంది. సాహో కలెక్షన్ల పరంగా ఫర్వాలేదని అనిపించినా.. ఆ తరువాత వచ్చిన రాధేశ్యామ్... Read more
Oct 08 | టాలీవుడ్ స్టార్ కమెడియన్ వెన్నెల కిశోర్ తెలుగు సినీపరిశ్రమలో తన జోరు చూపుతున్నాడు. తెలుగు చిత్రపరిశ్రమకు పరిచయమైన సీనియర్ కమేడియన్ అయినా.. ఇప్పటికీ యంగ్ లుక్ తో మంచి టైమింగ్, హావభావాల ప్రకటనలతో రాణిస్తున్నాడు.... Read more
Oct 08 | మెగాస్టార్ చిరంజీవి ప్రధానపాత్రలో తెరకెక్కిన 'గాడ్ ఫాదర్' చిత్రం ఈ నెల 5న విడుదలై విజయవంతంగా ప్రదర్శితమవుతోంది. ఈ సినిమాలో బాలీవుడ్ సూపర్ స్టార్ సల్మాన్ ఖాన్ 'మసూద్ భాయ్' అనే పవర్ ఫుల్... Read more
Oct 08 | ప్రముఖ దర్శకుడు మణిరత్నం మానసపుత్రిక అయిన పోన్నియన్ సెల్వన్ ప్రాజెక్టును ఎట్టకేలకు ఆయన తెరకెక్కించిన విషయం తెలిసిందే. అయితే రెండు భాగాలుగా ఈ చిత్రం రూపొందుతున్న విషయం తెలిసిందే. అయితే ఈ చిత్రం తొలిభాగం... Read more
Oct 08 | తమిళంలో హిట్ అయిన చిత్రాలు రీమేక్ గా తెలుగులో తెరకెక్కి హిట్ సాధించడం సాధరణంగా మారిపోయింది. ఈ క్రమంలో మొదటి నుంచి విభిన్నమైన కథలను .. విలక్షణమైన పాత్రలను ఎంచుకుంటూ.. నటిస్తున్న యంగ్ హీరో... Read more