రాజమౌళి రికార్డును బద్దలుకొట్టిన బన్నీ!

Posted: 06/25/2014 10:40 AM IST

(Image source from: allu arjun facebook page crosses 50 lakhs likes)

‘‘రేసుగుర్రం’’ సినిమాతో భారీ విజయం దక్కించుకున్న స్టైలిష్ స్టార్ అల్లు అర్జున్... తాజాగా మరో మైలురాయిని దాటేశాడు. దక్షిణాది నటుల్లోనే ఎవ్వరు సాధించలేని ఘనతను ఈ యంగ్ హీరో దాటేశాడు. తెలుగు పరిశ్రమలోనే కాకుండా మలయాళంలో కూడా మాంచి ఫ్యాన్ ఫాలోయింగ్ వున్న ఈ యంగ్ హీరో... ఇప్పుడు సోషల్ నెట్ వర్కింగ్స్ సైట్స్ లలో కూడా ముందుకు దూసుకుపోతున్నాడు.

నిన్నటికి నిన్న ఫేస్ బుక్ పేజి 20 లక్షల లైక్స్ తో ఏ ఒక్క డైరెక్టర్ కు లభించని గౌరవాన్ని పొంది, ఇండియాలోనే టాప్ డైరెక్టర్ గా నిలిచిపోయాడు. ఇప్పుడు తాజాగా అల్లు అర్జున్ కూడా అటువంటి చరిత్రను సృష్టించాడు. దక్షిణ భారతదేశంలో వున్న నటులందరికంటే.. ఈ స్టైలిష్ స్టార్ ఫేస్ బుక్ లైక్స్ 50 లక్షలు దాటిపోయాయి. తెలుగు, తమిళం, మలయాళ ఇండస్ట్రీలో వున్న హీరోలందరిలో ఏ ఒక్కరికి ఇన్ని లైక్స్ రాకపోవడంతో.. అల్లు అర్జున్ మొదటి స్థానాన్ని కైవసం చేసుకున్నాడు.

తన డ్యాన్సింగ్ స్టైల్ తో అందిరికీ పిచ్చెక్కించిన ఈ యువహీరోకి ఇలా ఫేస్ బుక్ పేజీ లైక్స్ 50 లక్షలు దాటిపోవడంతో అభిమానులకు ధన్యవాదాలు తెలుపుతూ ఒక వీడియోను అప్ లోడ్ చేశాడు. ‘‘నా సినిమాలను ఆదరించి, నన్ను అభిమానించినందుకు నేను మీకు హృదయపూర్వకంగా ధన్యవాదాలు తెలుపుకుంటున్నాను’’ అని మెసేజ్ పెట్టాడు. ఇంతటి అరుదైన గుర్తింపు లభించడంతో అల్లు అర్జున్ పండు చేసుకుంటున్నాడు. రేసుగుర్రం తరువాత ఏ సినిమాను ఒప్పుకొని అల్లుఅర్జున్... రుద్రమదేవి సినిమాలో అతిథి పాత్ర పోషించనున్నట్టు అందరికి తెలిసిన విషయమే!