ఆటో విడుదలకు మోక్షం కలిగింది

Posted: 06/14/2014 07:25 PM IST

ఏ ముహూర్తాన మొదలు పెట్టారో గానీ అక్కినేని నాగచైతన్య ‘ఆటోనగర్ సూర్య ’ సినిమాకు అన్ని కష్టాలే ఎదురవుతున్నాయి. ఎప్పుడో విడుదల కావాల్సి ఉన్నా ఈ చిత్రం పలు మార్లు విడుదల తేదీని ప్రకటించినా అనివార్య కారణాల విడుదలకు నోచుకోలేదు. ఈ చిత్రాన్ని నిర్మిస్తున్న ఆర్ ఆర్ మూవీ మేకర్స్ పీకల్లోతు కష్టాల్లో కూరుకుపోవడంతో ఈ చిత్రాన్ని వేరే వారితో విడుదల చేయించాలని చూసినా ఫైనాన్సర్లు ఒప్పుకోక పోవడంతో అది కుదరలేదు.

చివరికి నిర్మాతకు ఫైనాన్సర్ల మధ్య ఒప్పందంతో ఈ సినిమాను విడుదల చేయడానికి పూనుకున్నారు. ఈ చిత్రాన్ని ఈ నెల 27వ తేదీన ప్రపంచ వ్యాప్తంగా విడుదల చేయడానికి ఏర్పాట్లు చేస్తున్నట్లు నిర్మాత అచ్చిరెడ్డి ప్రకటించాడు. ఈ చిత్రానికి సంబంధించిన పోస్ట్‌ ప్రొడక్షన్‌ వర్క్‌ పూర్తయింది. త్వరలోనే సెన్సార్‌ కార్యక్రమాలు కూడా పూర్తి చేసి ప్రేక్షకుల ముందుకు తీసుకొస్తామని చెప్పాడు. ఇక నాగచైతన్య అయితే ఈ చిత్రం పై ఎప్పటి నుండో చాలా కాన్ఫిడెన్స్ గా ఉన్నాడు.

లవ్‌, యాక్షన్‌, ఎంటర్‌టైన్‌మెంట్‌.. ఇలా అన్ని అంశాలు వున్న ఈ చిత్రం తప్పకుండా పెద్ద హిట్‌ అవుతుంది. ఏమాయ చేసావె, మనం వంటి సూపర్‌హిట్‌ చిత్రాల జంట నాగచైతన్య, సమంతలకు ఇది హ్యాట్రిక్‌ మూవీ అవుతుందనే ధీమాను వ్యక్తం చేశాడు.

Knr