అక్కడ – ఇక్కడ స్పీడు పెంచింది

Posted: 04/10/2014 06:56 PM IST

టాలీవుడ్ లో యమ స్పీడుగా దూసుకుపోతున్న అందాల సుందరి శ్రుతి హాసన్ ఇప్పుడు కోలీవుడ్ లో కూడా స్పీడు పెంచింది. బాలీవుడ్ లో తాను ఆశించినంతగా అవకాశాలు రాకపోవడంతో ఈ రెండింటి పై ద్రుష్టి సారించిన శ్రుతి ఏమాత్రం కాల్షీట్లు ఉన్నా, తమిళ సినిమాలకు కేటాయిస్తుంది. ఇటీవలే విశాల్ సరసన ‘పూజై ’ అనే సినిమాకు కమీట్ అయిన శ్రుతి ఇప్పుడు మరో యంగ్ హీరో ‘జై ’ సరసన నటించడానికి ఒప్పుకుందని సమాచారం.

తమిళంలో ఎంగేయుం ఎప్పోడుం' సినిమాతో వెలుగులోకి వచ్చిన జయ్ సరసన నటించడానికి ఈ ముద్దుగుమ్మ గ్రీన్ సిగ్నల్ ఇచ్చిందట. ఇళయారాజా బంధువు పార్తీ భాస్కర్ దర్శకత్వం వహించే ఈ చిత్రానికి ‘జగజాలన్ ’ అనే టైటిల్ నిర్ణయించారు. ఈ సినిమా షూటింగ్ త్వరలోనే మొదలవుతుందట. ఈ సినిమాకు సంబంధించిన అధికారిక ప్రకటన త్వరలో వెలువడనుంది.