జగపతి బాబు విలన్ పాత్రలకే ఫిక్సయ్యాడు

Posted: 04/10/2014 01:23 PM IST

ఫ్యామిలీ హీరోగా పేరు తెచ్చుకున్న నటుడు జగపతి బాబుకి హీరోగా అవకాశాలు అంతంత మాత్రంగానే వస్తుండటంతో ఇటీవలే బాలయ్య – బోయపాటి కాంబినేషనల్లో వచ్చిన ‘లెజెండ్ ’ చిత్రం ద్వారా విలన్ గా సెకండ్ ఇన్నింగ్స్ ప్రారంభించిన ఆయన విలన్ పాత్రలకే ఫిక్స్ అయ్యినట్లు ఉన్నాడు. ‘లెజెండ్ ’ సినిమాలో చేసిన పాత్రకు మంచి పేరు రావడంతో టాలీవుడ్ దర్శకులంతా విలన్ పాత్రలు ఇవ్వడానికి జగపతి బాబు దగ్గరికే క్యూ కడుతున్నారు.

ఇప్పటికే సాయిధరమ్ తేజ్  ‘పిల్లా నువ్వు లేని జీవితం ’, సందీప్ కిషన్ హీరోగా చేస్తున్న ‘రారా కృష్ణయ్య ’ సినిమాలో కీలక పాత్రల్లో నటిస్తున్న ఈయనకు యంగ్ హీరో రామ్ నటిస్తుంన్న ‘పండగ చేస్కో ’ సినిమాలో విలన్ ఆఫర్ వరించినట్లు సమాచారం. ఈ సినిమాలో విలన్ పాత్రకు చాలా ఇంపార్టెన్స్ ఉండటంతో జగపతిబాబు కూడా ఆ పాత్ర చేసేందుకు ఆసక్తి కనబరుస్తున్నాడట.

అదీ కాకుండా ప్రిన్స్ మహేశ్ బాబు - కొరటాల శివ సినిమాలో కూడా విలన్ పాత్రకు కమీట్ అయినట్లు తెలుస్తుంది. జగపతి బాబు వాలకం చూస్తుంటే ఇక పై విలన్ పాత్రలకే ఫిక్సయ్యినట్లు కనిపిస్తుంది. హీరోగా రాణించిన జగపతి విలన్ గా కూడా రాణించాలని కోరుకుందాం.