బొమ్మాళికి దిమ్మ తిరిగే ఆఫర్ తగిలింది

Posted: 03/04/2014 10:40 AM IST

బొమ్మాళి అనుష్కకు సౌత్ ఇండస్ట్రీలో ఇప్పుడున్న హీరోయిన్లకు రాని ఓ బంపర్ ఆఫర్ తగిలింది. హీరోయిన్ గా ఉన్నప్పుడు ఒక్కసారైనా సూపర్ స్టార్ రజినీకాంత్ సరసన నటించాలని కలలు కనే ఈ అద్భుతమైన ఆఫర్ అనుష్కకు దక్కిందని కోలీవుడ్ వర్గాల సమాచారం.

ప్రస్తుతం ‘కొచ్చాడయాన్ ’ సినిమా లో నటించిన రజినీ తన తరువాత ప్రాజెక్టును దర్శకుడు కె.యస్. రవికుమార్ తో చేయబోతున్నాడు. ఈ సినిమా లో రజినీ సరసన అనుష్కను ఎంపిక చేసినట్లు చెబుతున్నారు. ప్రస్తుతం రాజమౌళి సినిమాలో బిజీగా ఉన్న ఈ అమ్మడు రజినీతో ఆఫర్ అనగానే గౌతమ్ మీనన్ మూవీని కూడా అనుష్క పక్కనపెట్టినట్లు కూడా చెబుతున్నారు.

గతంలో రెండుసార్లు రజనీ పక్కన నటించే చాన్స్ మిస్సయిన అనుష్క, ఇప్పుడీ చాన్స్ వదులుకోకూడదన్న గట్టి నిర్ణయంతో, డేట్స్ సర్దుబాటు చేసుకుందని అంటున్నారు. ఈ సినిమాను కన్నడ నిర్మాత రాక్ లైన్ వెంకటేష్ నిర్మించబోతున్నారని తెలుస్తుంది. అనుష్కకు అనుకోకుండా ఈ ఆఫర్ రావడంతో ఆనందంలో ఉక్కిరి బిక్కిరి అవుతుందట.