ఫ్యాన్స్ కోసం కలం పడుతున్న పవన్

Posted: 02/08/2014 06:12 PM IST

టాలీవుడ్ పవర్ స్టార్ పవన్ కళ్యాణ్  కేవలం ఒక్క నటుడే కాదన్న సంగతి అందరికీ తెలిసిందే ! ఆయనలో రచయిత కూడా వున్నాడు. తన సినిమాల స్క్రిప్ట్ విషయంలో అప్పుడప్పుడు ఆయన సలహాలు ఇస్తుంటాడు. ఇప్పుడు మళ్లీ పూర్తి స్థాయిలో పవన్ తన కలానికి పని చెబుతున్నాడు. తన సినిమాకు తానే డైలాగులు రాసుకుంటున్నాడు.

త్వరలొ ఆయన నటించబోతున్న ‘గబ్బర్ సింగ్ ’ సినిమా కోసం తానే సొంతంగా డైలాగులు రాసే పనిలో పడినట్లు సమాచారం. ఇప్పటి వరకు ఈ సినిమాకు సంబంధించిన గ్రౌండ్ వర్క్ అంతా దర్శకుడు సంపత్ నంది పూర్తి చేశాడని వార్తలు వచ్చాయి. కానీ సంపత్ నంది రాసిన డైలాగులు పవన్ కి నచ్చకపోవడంతో తానే కలం పట్టి డైలాగులు రాస్తున్నట్లు ఫిలింనగర్ వర్గాల సమాచారం.

ఇప్పటి వరకు తన సినిమాల్లో వచ్చిన డైలాగులకు వచ్చిన రెస్పాన్స్ తో ఎటువంటి డైలాగులు అయితే ఫ్యాన్స్ త్రుప్తి చెందుతారో తెలుసుకున్న పవన్ కళ్యాణ్ ఈ విధంగా పూనుకున్నాడని అంటున్నారు. త్వరలో పట్టాలెక్కబోయే ఈ సినిమా దర్శకత్వం వంచేది సంపత్ నంది అయిన పేరుకే అని మొత్తం పవన్ కళ్యాణే చూస్తాడని కూడా అంటున్నారు. జనం నాడి తెలిసిన పవన్ కళ్యాణ్ తన ఫ్యాన్స్ కోసం ఎలాంటి డైలాగులు రాస్తాడో వేరే చెప్పాలా ?